भारत एलपीजीसाठी आयातीवर अवलंबून आहे...
- dhadakkamgarunion0
- 2 hours ago
- 3 min read
🖋️ अभिजीत राणे लिहितात
भारत एलपीजीसाठी आयातीवर अवलंबून आहे. युद्ध किंवा जागतिक तणाव निर्माण झाला तर पुरवठा खंडित होणे ही स्वाभाविक बाब आहे. अशा वेळी सामान्य नागरिक पर्याय शोधतो—लाकूड, कोळसा, बायो-ब्रिकेट्स किंवा विजेच्या शेगड्या. खर्च वाढतो, सोय कमी होते, पण उपाशी राहणे हा पर्याय नसतो.सामान्य माणूस परिस्थिती समजतो, थोडा राग व्यक्त करतो, सरकारला दोष देतो, पण शेवटी तडजोड करतो. मात्र विरोधक आणि काही माध्यमे वास्तव न समजता केवळ किळसवाणी टीका करतात. उपाय सुचवण्याऐवजी "below the belt" हल्ले करतात. याचा परिणाम असा होतो की मतदार वैतागून सरकारकडे झुकतो. मोदींना मिळणारी मते ही त्यांच्या कामगिरीपेक्षा विरोधकांच्या अशा हिडीस वागण्यामुळे वाढण्याची शक्यता अधिक आहे. विरोधकांची ही मूर्खता देशाचे दुर्दैव ठरत आहे.
🔽
🖋️ अभिजीत राणे लिहितात
मंत्री म्हणजे केवळ सचिवांकडून घेतलेली उत्तरे वाचून दाखवणारा अधिकारी नव्हे. त्याने जनतेला विश्वासात घेणे, परिस्थिती स्पष्ट करणे आणि अफवांना थोपवणे हे त्याचे कर्तव्य आहे. एलपीजी प्रश्नावर राहुल गांधी आणि त्यांच्या भाटांचे बालिश चाळे सुरू असताना महाराष्ट्राचे अन्न व नागरी पुरवठा मंत्री छगन भुजबळ मात्र गप्प आहेत. मराठा आंदोलनाच्या काळात झंझावाती दौरे करणारे भुजबळ आज पत्रकार परिषद घेण्यासही कचरतात. देवी सरस्वतीबद्दल बोलणारी त्यांची जीभ राहुल गांधींवर बोलायला का थांबली आहे? रस्त्यावर गोंधळ सुरू असताना वातानुकूलित दालनात बसून आराम करणे आणि संघ स्वयंसेवकांवर भार टाकणे ही राजकीय बेईमानी आहे. भाजपचे नेतृत्वही या कारस्थानाला तोंड देण्यात अपयशी ठरत आहे. भुजबळांचा धुर्तपणा आणि भाजपचा मूर्खपणा यामुळे जनतेचा विश्वास डळमळीत होत आहे.
🔽
🖋️ अभिजीत राणे लिहितात
महाराष्ट्र साहित्य परिषदेची निवडणूक पार पडली आणि योगेश सोमण यांच्या नेतृत्वाखालील मंडळ विजयी झाले. गेल्या काही वर्षांत निवडणूक न घेता सत्ता भोगणाऱ्या मंडळींनी मसापला अक्षरशः बटीक बनवून ठेवले होते. साहित्य संमेलनात तेच चेहरे, तेच पारितोषिके, मुद्दाम वाद निर्माण करणारे उद्घाटक—या सर्वांनी मराठी सारस्वतांमध्ये भेद निर्माण केला होता. हिंदू विचार विरोधी इकोसिस्टिमने मसाप हायजॅक केली होती. पण हिंदू विचार हा सर्वसमावेशक आहे, तो पुसून जाणारा नाही. आता बदल झाला आहे. साहित्य सर्वोपरी मानणारी मंडळी शीर्षस्थानी आली आहेत. सर्व शाखांना साहित्यपूरक उपक्रमांसाठी मदत करण्याची त्यांची कटिबद्धता आहे. मसापला पुन्हा साहित्य संवर्धनाचे केंद्रस्थान मिळावे, हीच खरी अपेक्षा. हा बदल मराठी साहित्यविश्वासाठी आशेचा किरण ठरतो आहे.
🔽
🖋️ अभिजीत राणे लिहितात
टीएमसी सरकारच्या पोलिसांनी दोनदा अटक केलेला अजय रॉय हा ना पदाधिकारी आहे, ना श्रीमंत पार्श्वभूमीचा. तो केवळ पक्षाच्या विचारधारेचा आणि हिंदुत्वाचा समर्थक आहे. जुलै 2023 मध्ये पाच दिवस तुरुंगात, तर नोव्हेंबर 2025 मध्ये भाजपच्या विजयाचा आनंद साजरा केल्याबद्दल सात दिवस तुरुंगात—अशा कठीण प्रसंगातून तो गेला. आज मात्र दिन्हाटा मतदारसंघातून भाजपचा उमेदवार म्हणून त्याची घोषणा झाली आहे आणि स्वतः अमित शाह यांनी त्याला फोन करून कळवले. हा क्षण कार्यकर्त्यांसाठी प्रेरणादायी आहे. भाजप कार्यकर्त्यांना विसरतो अशी ओरड उठवली जाते, पण अजय रॉयचे उदाहरण दाखवते की संघर्ष करणाऱ्यांना पक्ष कधीच विसरत नाही. कार्यकर्त्यांचा त्याग आणि निष्ठा अखेर राजकीय प्रतिनिधित्वात रूपांतरित होऊ शकते.
🔽
🖋️ अभिजीत राणे लिहितात
इराणशी सुरू असलेल्या युद्धादरम्यान अमेरिकेने चाबहार बंदराजवळील लष्करी तळावर हल्ला केला. हेच चाबहार बंदर आहे जिथे भारताने मोठी गुंतवणूक केली आहे, कारण ते पाकिस्तानच्या ग्वादर बंदराला प्रत्युत्तर देणारे धोरणात्मक केंद्र मानले जाते. चाबहार भारताला पाकिस्तानमधून न जाता मध्य आशियात पोहोचण्याचा मार्ग देतो. अमेरिकेच्या या कारवाईने भारताला कठीण प्रश्न विचारला आहे—मित्रराष्ट्र म्हणवणारे अमेरिका खरोखरच विश्वासार्ह आहे का? होर्मुझ सामुद्रधुनीतून तेल पुरवठा खंडित होण्याची भीती असताना भारताला या संघर्षात ओढण्याचा प्रयत्न होत आहे का, असा संशय निर्माण होतो. चाबहारवरील हल्ला दाखवतो की आंतरराष्ट्रीय राजकारणात कायमस्वरूपी मित्र नसतात. भारताने आता आपल्या हितसंबंधांचे रक्षण करण्यासाठी अधिक सावध आणि स्वतंत्र धोरण आखणे गरजेचे आहे.
🔽
#India #LPGCrisis #EnergySecurity #GlobalTensions #PoliticalDebate #Governance #PublicPolicy #OppositionPolitics #MediaCriticism #MaharashtraPolitics #LiteraryChange #ChabaharPort #Geopolitics #IndianEconomy
Comments