भिमाजी कांबळेच्या घटनेनंतर ...
- dhadakkamgarunion0
- May 11
- 2 min read
🖋️ *अभिजीत राणे लिहितात*
भिमाजी कांबळेच्या घटनेनंतर “कायद्याने न्याय होईल” अशी भूमिका घेतली गेली, पण यात धर्माधारित फरक स्पष्ट दिसतो. हिंदू मुलगी आणि आरोपी दलित असल्याने प्रक्रिया लांबली, तर योगी आदित्यनाथांच्या उत्तर प्रदेशात बरेलीतील उरूसप्रसंगी मुस्लिम मुलावर अत्याचार करणाऱ्या आरोपीला पोलिसांनी अवघ्या पाच तासांत शिक्षा दिली. यातूनच योगीजींचा कायदा हिंदू-मुस्लिम भेदभाव करत नाही हे सिद्ध झाले. न्याय त्वरित मिळणे हीच खरी कसोटी आहे, आणि ती कसोटी योगी सरकारने पार केली. समाजात न्यायाचा विश्वास टिकवायचा असेल तर धर्म, जात न पाहता कठोर आणि जलद कारवाई करणे आवश्यक आहे. अन्यथा “कायद्याने न्याय” ही घोषणा केवळ दिखावा ठरेल.
🔽
🖋️ *अभिजीत राणे लिहितात*
बेगानी शादी में अब्दुल्ला दीवाना…! तामिळनाडूत केवळ ५ आमदार असलेल्या काँग्रेसने विजयला मुख्यमंत्रीपदाची शपथ दिली आणि राहुल गांधी सोहळ्याला हजर राहिले. पण केरळमध्ये, जिथे काँग्रेसच्या नेतृत्वाखालील यूडीएफला प्रचंड बहुमत मिळाले आहे, तिथे मुख्यमंत्री कोण होणार हे अद्याप ठरलेले नाही. निकाल लागून सहा दिवस झाले तरी निर्णय नाही. दिल्लीहून निरीक्षक केरळला गेले, उमेदवार दिल्लीला आले, बैठक झाली तरी नाव निश्चित नाही. जर ठरले असते तर राहुल गांधी सकाळी तामिळनाडूत आणि दुपारी केरळमध्ये शपथविधीला गेले असते. पण काँग्रेस पुन्हा गटबाजीच्या जाळ्यात अडकली आहे आणि राहुल गांधी असहाय्यपणे तमाशा पाहत आहेत. हीच काँग्रेसची ऐतिहासिक चूक पुन्हा उघड झाली आहे.
🔽
🖋️ *अभिजीत राणे लिहितात*
सरकारी ऑईल मार्केटिंग कंपन्यांना दर महा तब्बल ३०,००० कोटींचा तोटा सहन करावा लागत असताना, सामान्य नागरिकांना दोन महिन्यांहून अधिक काळ पेट्रोल, डिझेल आणि गॅसच्या दरवाढीपासून दिलासा मिळाला आहे. तरीही काही ग्राहक सतत तक्रारी करत राहतात, विशेषतः गॅस सिलिंडर वेळेत मिळत नसल्याच्या. निवडणुकांमुळे दर रोखले गेले असतील, तरी त्याचा फायदा जनतेलाच झाला. निकालानंतरही दर वाढले नाहीत, हे वस्तुस्थिती आहे. पण काही लोकांना कितीही सवलती दिल्या तरी समाधान नसते; उलट सरकारच्या बाजूने बोलणाऱ्यांना “अंधभक्त” म्हणून हिणवतात. खरे तर जुन्या भ्रष्ट राजवटीत त्यांचे स्वार्थ जपले जात होते, ते मोदींनी संपवल्यामुळेच त्यांचा राग कायम आहे. म्हणूनच अशा लोकांच्या बडबडीकडे दुर्लक्ष करून वास्तव लक्षात ठेवणे गरजेचे आहे.
🔽
🖋️ *अभिजीत राणे लिहितात*
ऊगाच छत्रपती शिवाजी महाराजांवर मालकी हक्क सांगू नका! महाराजांचे नाव अनेकांनी घेतले, पण अनेकांसाठी ते केवळ राजकीय स्वार्थापुरते मर्यादित राहिले. कुणी व्यवसायासाठी वापरले, तर कुणी त्यांना “सेक्युलर राजा” ठरवून व्यापक कर्तृत्व कमी केले. पण लाखो भारतीयांसाठी छत्रपती हे स्वाभिमान, शौर्य, सुशासन आणि हिंदवी स्वराज्याचे प्रतीक आहेत. महाराष्ट्र-गुजरात यांचे नाते वैर नव्हे तर सहकार्याचे आहे, तरी काही प्रवाह द्वेष पेरतात. बंगालमध्ये विजय साजरा करताना महाराजांची प्रतिमा अभिमानाने झळकते, तर केरळात हिरवे झेंडे उंचावतात—यातूनच फरक दिसतो. आज घोषणांनी नाही, तर महाराजांच्या विचारांना कृतीत आणण्याची गरज आहे. भाजपा तेच करण्याचा दावा करते. महाराजांचे विचार समजायला पात्रता लागते; ती केवळ दिखाव्याने येत नाही.
🔽
🖋️ *अभिजीत राणे लिहितात*
अमिताभ बच्चन, शत्रुघ्न सिन्हा आणि सौरव गांगुली यांनी राष्ट्र-धर्माला कधीच जीवन दिले नाही, असा आरोप होत असताना २०२१ मध्ये बंगालमध्ये भाजपला संधी मिळाली होती ती गांगुलीने गमावली. उलट “गरिबांचा अमिताभ” म्हणून हिणवला गेलेला मिथुन चक्रवर्ती मात्र २०२६ च्या निवडणुकीत ४५ दिवस सतत २०-३० मतदारसंघ पिंजून काढत कार्यकर्त्यांना उभारी देत प्रचारात झटला. त्याच्या राष्ट्रनिष्ठ भूमिकेपुढे बाकी स्टार्स कचरा ठरले. सत्ता येईल-जाईल, पण राष्ट्र आणि धर्म हे जीवनाच्या केंद्रस्थानी नसतील तर यशाला किंमत नाही. स्व. लता मंगेशकर, सुधीर फडके, धर्मेंद्र, विनोद खन्ना यांसारखे दिग्गज आजही आदर्श आहेत. खरी किंमत त्यांनाच मिळते जे राष्ट्रहितासाठी जगतात.
🔽
Comments