भाजप-भाजप-शिवसेनेची युती ही महाराष्ट्राच्या

🖋️ *अभिजीत राणे लिहितात*

भाजप-भाजप-शिवसेनेची युती ही महाराष्ट्राच्या राजकारणात नैसर्गिक रसायन होती. दोन्ही पक्षांच्या कार्यकर्त्यांमध्ये इतकी मिसळ होती की ते वेगळे पक्ष आहेत हे जाणवत नसे. पण भाजपाची ताकद वाढली, केंद्रात सत्ता आली आणि अमित शहा सारखा रणनीतिक नेता मिळाला. त्यानंतर शिवसेनेला कमी लेखण्याची भूमिका घेतली गेली. यामुळे उद्धव ठाकरे यांनी काँग्रेस-राष्ट्रवादीसोबत सरकार स्थापन केले. भाजपाने हे न पचवता शिवसेनेत फूट पाडली. शरद पवारांच्या राष्ट्रवादीतही अशीच फूट घडवली, आम आदमी पार्टीचे खासदार तोडले. ममता बॅनर्जी, चंद्राबाबू नायडू, एम.के. स्टालिन, शिंदे-पवार यांना अजूनही आत्मविश्वास आहे की त्यांच्यासोबत असे होणार नाही. पण भारतीय राजकारणात नंबर येईपर्यंत आत्मविश्वास असतो, नंबर आल्यानंतर वास्तव समोर येते.

www.abhijeetrane.in

www.mumbaimitra.com

🔽

🖋️ *अभिजीत राणे लिहितात*

क्रिकेट हा पैसा, राजकारण आणि बॉलीवूडचा संगम आहे आणि IPL ने त्याला शिखरावर नेलं. कोची टस्कर संघाच्या बोलीत सुनंदा पुष्कर यांना २५% हिस्सा "Sweat Equity" म्हणून मिळाला होता. ललित मोदींनी या डीलवर प्रश्न उपस्थित केला, पण शशांक मनोहरांच्या आदेशामुळे सही करावी लागली. सुनंदा पुष्कर यांचा शशी थरूर यांच्याशी संबंध उघड झाल्यानंतर वाद वाढला, थरूर यांना मंत्रीपदाचा राजीनामा द्यावा लागला आणि कोची टस्कर एकाच सत्रानंतर IPL मधून बाहेर पडला. सुनंदा पुष्कर यांचा मृत्यू झाला. नरेंद्र मोदींनी "५० कोटींची गर्लफ्रेंड" अशी टीका केली होती, ज्यावर वादंग झाले. पण ललित मोदींच्या खुलाशांमुळे आरोपांना वजन मिळालं आणि क्रिकेट-राजकारणातील गडबड पुन्हा उघड झाली.

www.abhijeetrane.in

www.mumbaimitra.com

🔽

🖋️ *अभिजीत राणे लिहितात*

दिल्लीतील मालवीय नगरमध्ये लागलेल्या आगीत रियाझुद्दीन चाचांनी दाखवलेले धैर्य खरंच प्रेरणादायी आहे. ‘जी रेस्टॉरंट’ला आग लागल्यावर लोक जीव वाचवण्यासाठी उड्या मारत होते. क्षणाचाही विलंब न करता त्यांनी आपल्या दुकानातील दोन लाख रुपयांच्या गाद्या पसरून १० जणांचे प्राण वाचवले, त्यात परदेशी नागरिकही होते. स्वतःचा आर्थिक तोटा न पाहता इतरांचे प्राण वाचवण्याची ही कृती समाजाला माणुसकीची खरी जाणीव करून देते. आता प्रश्न असा आहे की दिल्ली सरकार त्यांच्या या शौर्यपूर्ण कृत्याचा सन्मान करेल का? आणि वाया गेलेल्या लाखो रुपयांच्या गाद्यांची भरपाई देईल का? रियाझुद्दीन चाचांचा त्याग आणि धैर्य हे प्रशासनाने नोंदवून त्यांना योग्य सन्मान व मदत देणे हीच खरी कर्तव्यपूर्ती ठरेल.

www.abhijeetrane.in

www.mumbaimitra.com

🔽

🖋️ *अभिजीत राणे लिहितात*

महाविकास आघाडीच्या सहा उमेदवारांनी विधानपरिषदेच्या निवडणुकीतून माघार घेतल्यावर उबाठा शिवसेनेने लगेचच दोन उमेदवारांना पक्षातून काढून टाकले. त्यानंतर संजय राऊत यांनी आरोप केला की प्रत्येकी २५ कोटी रुपये देऊन माघार घ्यायला लावण्यात आली. काँग्रेस प्रदेशाध्यक्ष हर्षवर्धन सपकाळ यांनीही तोच आरोप केला. पण प्रश्न असा आहे की जर इतकी ठोस माहिती प्रवक्त्यांकडे असते तर त्यांनी लाचलुचपत प्रतिबंधक विभागाकडे तक्रार का केली नाही? आरोप करून गप्प बसणे म्हणजे काहीतरी आर्थिक व्यवहार आधीच ठरले असावेत असा संशय निर्माण होतो. उमेदवारांनी मिळालेल्या पैशातून पक्षाला हिस्सा देणे आणि प्रवक्त्यांना कमिशन मिळणे ही शक्यता नाकारता येत नाही. अन्यथा साधा संपादक कोट्यवधींची मालमत्ता उभी करू शकतो का? आरोपांचा खेळ म्हणजे राजकारणातील नवा ‘व्यवसाय’च ठरतो.

www.abhijeetrane.in

www.mumbaimitra.com

🔽

🖋️ *अभिजीत राणे लिहितात*

महाराष्ट्राने १० लाखांहून अधिक ऑफ-ग्रिड सौर कृषी पंप बसवून देशात पहिला क्रमांक मिळवला आहे. भारतातील १५.६२ लाख सौर पंपांपैकी तब्बल ६४% पंप महाराष्ट्रात आहेत. PM-KUSUM आणि ‘मागेल त्याला सौर पंप’ योजनेमुळे शेतकऱ्यांना दिवसा खात्रीशीर वीज, स्वस्त सिंचन आणि हरित ऊर्जेचा लाभ मिळतो आहे. वीज बिल जवळपास शून्य, उत्पादन वाढलेले आणि कार्बन उत्सर्जन घटलेले—हे सर्व परिणाम थेट शेतकऱ्यांच्या उत्पन्नात सुधारणा घडवतात. ही योजना फक्त ग्रामीण भागालाच नाही तर शहरातील टॅक्स भरणाऱ्या नागरिकांनाही अप्रत्यक्ष फायदा देते, कारण वीज चोरी आणि बिल माफीसारख्या घोषणांचा भार कमी होतो. मीडिया हेडलाईन न बनवता, जमिनीवर खऱ्या सुधारणा घडवणारा हा पॉवर-रिफॉर्म आहे. वेल-डन देवेंद्र फडणवीस सरकार—ही खरी दीर्घकालीन कामगिरी आहे.

www.abhijeetrane.in

www.mumbaimitra.com

🔽

#MaharashtraPolitics #PoliticalAnalysis #BJP #ShivSena #NCP #IPL #CricketPolitics #SportsControversy #DelhiFire #RealHero #HumanityFirst #MaharashtraMLC #LegislativeCouncil #MVA #ShivSenaUBT #SolarEnergy #SolarPumps #PMKUSUM #RenewableEnergy #GreenEnergy #FarmersFirst #Agriculture #SustainableDevelopment

---