अमित साटम यांचा सरवणकरांना सबुरीचा सल्ला

🔏 [ ⏺️ साटम पॅटर्न ]

▪️==================▪️

अमित साटम यांचा सरवणकरांना सबुरीचा सल्ला

● भाजपाचे मुंबई अध्यक्ष अमित साटम यांनी समाधान सरवणकर यांच्या तक्रारींची दखल घेतली असून सर्वांशी चर्चा करूनच पुढचे पाऊल उचलले जाईल, असे आश्वासन दिले आहे. अमित साटम म्हणाले की, सरवणकर यांनी मांडलेल्या मुद्द्यांमध्ये किती तथ्य आहे, याची सखोल पडताळणी केली जाईल. यासाठी खुद्द समाधान सरवणकर आणि इतर संबंधित नेत्यांकडून माहिती गोळा केली जाईल. कोणताही घाईघाईने निर्णय न घेता, सर्व बाजूंचा सारासार विचार करूनच महायुतीचे वरिष्ठ नेते निर्णय घेतील. अमित साटम यांनी महत्त्वाचा मुद्दा सांगितला की, समाधान सरवणकर यांचा भाजपावर कोणताही वैयक्तिक किंवा संस्थात्मक आक्षेप नाही. त्यांनी केवळ काही विशिष्ट व्यक्तींच्या कार्यपद्धतीवर आणि भूमिकेवर प्रश्नचिन्ह उपस्थित केले आहे. राजकीय वर्तुळात अंतर्गत विषयांची चर्चा माध्यमांसमोर झाल्याने पक्षाची प्रतिमा मलिन होऊ शकते, असे मत अमित साटम यांनी व्यक्त केले. त्यांनी समाधान सरवणकर आणि इतर कार्यकर्त्यांना असा सल्ला दिला आहे की, अशा प्रकारचे संवेदनशील विषय थेट प्रसारमाध्यमांसमोर मांडणे टाळले पाहिजे. पक्षाच्या व्यासपीठावर चर्चा करून हे प्रश्न सोडवता येतात, त्यामुळे संयम राखणे गरजेचे आहे, असे आवाहन साटम यांनी केले आहे.

© -अभिजीत राणे

(दै.मुंबई मित्र/वृत्त मित्र, मराठी/हिंदी)

#ameetsatam #abhijeetrane #AR