🖋️ अभिजीत राणे लिहितात

🖋️ अभिजीत राणे लिहितात

कर्करोगाविरुद्धची आशेची लस

रशियाने केलेल्या घोषणेमुळे जगभरातील कर्करोगग्रस्त रुग्णांमध्ये नवी आशा निर्माण झाली आहे. कर्करोगावरील लस मोफत उपलब्ध करून देण्याचा संकल्प हा वैद्यकीय इतिहासातील क्रांतिकारी टप्पा ठरू शकतो. आजपर्यंत कर्करोग म्हणजे भीती, अनिश्चितता आणि महागडी, वेदनादायी उपचार अशीच ओळख होती. पण जर ही लस खरोखरच प्रभावी ठरली तर निदानानंतर रुग्णांना संरक्षण, प्रतिबंध आणि निरोगी भविष्यासाठी संधी मिळेल. वैज्ञानिक, डॉक्टर आणि जागतिक आरोग्य संस्था या घडामोडीकडे बारकाईने लक्ष ठेवून आहेत. दीर्घकालीन जगण्याचे प्रमाण वाढवणे आणि रोगप्रतिबंध यासाठी ही लस निर्णायक ठरू शकते. लाखो लोकांना ज्या चमत्काराची प्रतीक्षा होती, तो आता वास्तवाच्या जवळ येत आहे. कर्करोगाचा अंत करण्याचे स्वप्न कदाचित आता साकार होऊ शकते

www.abhijeetrane.in

www.mumbaimitra.com

🔽

🖋️ अभिजीत राणे लिहितात

डी.के. शिवकुमार आणि कर्नाटकातील समीकरण

कर्नाटकातील काँग्रेसचे बलाढ्य नेते डी.के. शिवकुमार यांचे राजकीय स्थान नेहमीच वेगळे राहिले आहे. त्यांना काँग्रेसचे “एटीएम” म्हटले जाते कारण त्यांनी अनेक वेळा पक्षाला आर्थिक व संघटनात्मक आधार दिला आहे. तरीही मुख्यमंत्रीपदापासून त्यांना दूर ठेवण्यात आले, ज्यामुळे त्यांच्या नाराजीला खतपाणी मिळाले. जर शिवकुमार भाजपमध्ये सामील झाले तर ते पक्षासाठी मोठे बळ ठरतील. त्यांच्या हिंदुत्ववादी प्रतिमेमुळे तेथील भाजपला काँग्रेसवर निर्विवाद आघाडी मिळू शकते. शिवकुमार यांचे आगमन हे कर्नाटकातील नेतृत्वाचे नवे केंद्रबिंदू ठरेल, कारण बाकीचे भाजप नेते तुलनेने कमकुवत मानले जातात. काँग्रेससाठी मात्र हा धक्का भरून काढणे अशक्य ठरेल. गांधी कुटुंबाने त्यांचे हक्क हिरावले, हीच गोष्ट त्यांच्या राजकीय भवितव्याला नवे वळण देऊ शकते.

www.abhijeetrane.in

www.mumbaimitra.com

🔽

🖋️ अभिजीत राणे लिहितात

न्याययंत्रणेत क्रांती ?

सरन्यायाधीश सूर्यकांतजी यांनी सर्वोच्च न्यायालयातील संपूर्ण व्हीआयपी कल्चर पूर्णपणे संपवून टाकले आहे. आता कोणताही सिनिअर वकील रांग मोडत “माझा खटला आधी ऐका” असा वशिलेबाजीचा थाट दाखवू शकणार नाही. तातडीचा खटला असेल, तर तो फक्त आणि फक्त लेखी प्रक्रियेद्वारेच सादर केला जाईल, कोणताही शॉर्टकट किंवा कोणताही वशिला चालणार नाही. ज्युनियर वकिलांसाठीही स्पष्ट संदेश दिला आहे, फक्त अतिशय अपवादात्मक महत्त्वाच्या परिस्थितीतच खटल्याचा उल्लेख करा, अन्यथा नाही. आणि सर्वात मोठा धमाका म्हणजे सरन्यायाधीश यांनी थेट इशारा दिला आहे की, NJAC (नॅशनल ज्युडिशियल अपॉइंटमेंट कमिशन) पुन्हा आणण्याबाबत आणि कोलेजियम पद्धत संपवण्याबाबत सुप्रीम कोर्ट आता गांभीर्याने विचार करत आहे. हे बदल किरकोळ नाहीत… तर हे थेट न्यायव्यवस्थेच्या मुळापर्यंत पोहचून सिस्टिम हादरवून टाकणारे बदल आहेत.!!

www.abhijeetrane.in

www.mumbaimitra.com

🔽

🖋️ अभिजीत राणे लिहितात

बंगालमध्ये मतदार यादीचा भूकंप

बंगालच्या मागील विधानसभा निवडणुकीत भाजप आणि तृणमूलमध्ये तब्बल २८ लाख मतांचे अंतर होते. आता आधारकार्ड यंत्रणेने ३३ लाख मृत व्यक्तींची नावे मतदार यादीतून हटवली आहेत. यामुळे राजकीय समीकरणेच बदलण्याची शक्यता निर्माण झाली आहे. त्यातच स्पेशल इंटेन्सिव्ह रिव्हिजन (SIR) सुरू असल्याने अजून मोठा भूकंप येऊ शकतो. अनेक ठिकाणी पळापळ सुरू झाली असून डेटा एन्ट्री ऑपरेटरही केंद्रीय संस्थेकडे गेले आहेत. या पार्श्वभूमीवर मुख्यमंत्री ममता बॅनर्जी यांची निर्भय प्रतिमा आता भयभीत होताना दिसते. मतदार यादीतील बदलांचा थेट परिणाम आगामी निवडणुकांवर होणार आहे. तृणमूलसाठी ही गंभीर चिंता आहे, तर भाजपसाठी ही संधी आहे. बंगालमधील राजकारण आता नव्या टप्प्यात प्रवेश करत आहे.

www.abhijeetrane.in

www.mumbaimitra.com

🔽

🖋️ अभिजीत राणे लिहितात

घुसखोरीविरोधी कायद्याची ताकद

इमिग्रंट्स (एक्सपल्शन फ्रॉम असम) ॲक्ट हा भारताच्या सुरक्षेसाठी बनवलेला एक विशेष कायदा आहे. 1950 मध्ये डॉ. बाबासाहेब आंबेडकरांच्या काळात लागू झालेला हा कायदा आज पुन्हा चर्चेत आला आहे. आसाममध्ये झालेल्या प्रचंड घुसखोरीला आळा घालण्यासाठी केंद्र सरकारने तो अंमलात आणला आहे. कलम 2 ते 5 पर्यंतच्या तरतुदी स्पष्ट सांगतात की सार्वजनिक हिताला धोका असल्यास घुसखोरांना 24 तासांत देश सोडण्याचा आदेश दिला जाऊ शकतो, बलप्रयोगही करता येतो आणि उल्लंघन करणाऱ्यांना शिक्षा आहे. ऑक्टोबर 2024 मध्ये सर्वोच्च न्यायालयाने या कायद्याला वैध ठरवले असून तो आर्टिकल 14 किंवा 21 चे उल्लंघन करत नाही असे स्पष्ट केले. त्यामुळे विरोधकांनी हा कायदा असंवैधानिक ठरवण्याचा प्रयत्न करणे म्हणजे इतिहास आणि न्यायालयीन निर्णय दोन्ही नाकारणे होईल. हा कायदा राष्ट्रीय सुरक्षेचा पाया आहे.

www.abhijeetrane.in

www.mumbaimitra.com

🔽

#CancerVaccine #DKShivakumar #KarnatakaPolitics #JudicialReform #VIPCultureEnd #NJACDebate #BengalVotersList #ElectionShakeup #ImmigrationLaw #NationalSecurity. #DevendraFadnavis