सामान्यांचा 'आपला रवीदादा'

🔏 [ ⏺️ ध्येयपथ ]

▪️==================▪️

सामान्यांचा 'आपला रवीदादा'

● भाजपाच्या महाराष्ट्र प्रदेशाध्यक्षपदाची धुरा सांभाळणारे रवींद्र चव्हाण यांनी राजकारणात एका नव्या उंचीला स्पर्श केला आहे. मात्र, इतक्या मोठ्या पदावर पोहोचल्यानंतरही त्यांच्यातील 'आपला रवीदादा' ही प्रतिमा तसूभरही ढळलेली नाही. सामान्य जनतेशी असलेली नाळ आणि कार्यकर्त्यांना सोबत घेऊन चालण्याची त्यांची वृत्ती आजही कायम आहे. एका साध्या कार्यकर्त्यापासून सुरू झालेला हा प्रवास आज राज्याच्या नेतृत्वापर्यंत पोहोचला असला, तरी त्यांच्या साधेपणामुळे ते आजही सामान्यांच्या मनातील नेते म्हणून ओळखले जातात. कार्यकर्त्यांमध्ये 'रवीदादा' या नावाने परिचित असलेले भाजपाचे प्रदेशाध्यक्ष रवीद्र चव्हाण हे जमिनीवरचे नेते मानले जातात. रवींद्र चव्हाण यांची सर्वात मोठी ओळख म्हणजे त्यांची साधी राहणी आणि कार्यकर्त्यांसाठी सदैव उपलब्ध असण्याची वृत्ती. रवींद्र चव्हाण यांची प्रदेशाध्यक्षपदी झालेली निवड हा केवळ योगायोग नसून, त्यांच्या गेल्या अनेक वर्षांच्या कठोर परिश्रमाचे फळ आहे. पक्षाच्या संघटनात्मक बांधणीत त्यांनी मोलाची भूमिका बजावली आहे.

© -अभिजीत राणे

(दै.मुंबई मित्र/वृत्त मित्र, मराठी/हिंदी)

#ravindrachavan #abhijeetrane #AR