विकास आणि सुशासनाला जनतेचा कौल, रवींद्र चव्हाण यांनी यशाचे श्रेय दिले फडणवीसांना

🔏 [ ⏺️ ध्येयपथ ]

▪️==================▪️

विकास आणि सुशासनाला जनतेचा कौल, रवींद्र चव्हाण यांनी यशाचे श्रेय दिले फडणवीसांना

● महाराष्ट्र राज्य नगरपालिका आणि नगरपंचायत निवडणुकीच्या निकालांमध्ये भाजपाने घवघवीत यश संपादन केले आहे. या विजयानंतर भाजपा प्रदेशाध्यक्ष रवींद्र चव्हाण यांनी आनंद व्यक्त करत जनतेचे आभार मानले आहेत. राज्यातील जनतेने पंतप्रधान नरेंद्र मोदी आणि मुख्यमंत्री देवेंद्र फडणवीस यांच्या नेतृत्वाखालील 'विकास, सेवा आणि सुशासनाच्या' राजकारणावर आपला विश्वास व्यक्त केला आहे, असे चव्हाण यावेळी म्हणाले. विरोधकांनी पसरवलेल्या खोट्या नरेटिव्हला नाकारून जनतेने केवळ प्रगतीलाच पसंती दिली असल्याचे या निकालांवरून स्पष्ट झाले आहे. रवींद्र चव्हाण यांनी या विजयाचे संपूर्ण श्रेय मुख्यमंत्री देवेंद्र फडणवीस यांच्या दूरदृष्टीला आणि त्यांच्या नेतृत्वाखालील पारदर्शक कारभाराला दिले आहे. फडणवीस यांनी राज्याला ट्रिलियन डॉलर अर्थव्यवस्थेकडे नेण्यासाठी घेतलेले निर्णय आणि राबवलेल्या लोककल्याणकारी योजनांमुळेच ग्रामीण आणि शहरी भागातील जनतेने भाजपाला कौल दिला आहे. विशेषतः मराठवाडा वॉटर ग्रिड, विदर्भाचा विकास आणि कोकणातील समृद्धी महामार्गासारख्या प्रकल्पांमुळे जनतेच्या मनात सरकारबद्दल विश्वासाची भावना निर्माण झाली आहे. निवडणुकीच्या काळात विरोधकांनी अनेक खोटे मुद्दे उपस्थित करून जनतेची दिशाभूल करण्याचा प्रयत्न केला होता. मात्र, सुज्ञ मतदारांनी या प्रचाराला भीक न घालता महायुतीच्या उमेदवारांना विजयी केले.

© -अभिजीत राणे

(दै.मुंबई मित्र/वृत्त मित्र, मराठी/हिंदी)

#ravindrachavan #abhijeetrane #AR