top of page

फ्रान्समधील G7 परिषदेत भारताचे पंतप्रधान नरेंद्र मोदींचे स्वागत हे...

dhadakkamgarunion0
Jun 17
3 min read

🖋️ *अभिजीत राणे लिहितात*

फ्रान्समधील G7 परिषदेत भारताचे पंतप्रधान नरेंद्र मोदींचे स्वागत हे भारताच्या वाढत्या जागतिक प्रतिष्ठेचे द्योतक ठरले. विमानतळावर अंथरलेला ‘रेड कार्पेट’, वरिष्ठ अधिकाऱ्यांची उपस्थिती आणि आत्मीयतेने केलेले स्वागत हे भारत-फ्रान्स संबंधांच्या दृढतेचे प्रतीक आहे. दुसरीकडे, अमेरिकेचे राष्ट्राध्यक्ष डोनाल्ड ट्रम्प यांचे स्वागत केवळ औपचारिकतेपुरते मर्यादित राहिले; ना ‘रेड कार्पेट’, ना मोठी उपस्थिती. हे चित्र स्पष्ट दाखवते की मुत्सद्देगिरीत भारताने विश्वासार्हता मिळवली आहे, तर ट्रम्प यांच्या उद्धट वागणुकीमुळे अमेरिका अनेक ठिकाणी आदर गमावत आहे. जागतिक नेत्यांना कमी लेखण्याच्या त्यांच्या सवयीमुळे आता त्यांना नामुष्कीचा सामना करावा लागत आहे आणि त्याचा परिणाम अमेरिकन नागरिकांच्या मानहानीतही दिसून येतो. भारताचा आदर वाढतोय, तर ट्रम्पच्या वागणुकीमुळे अमेरिका कमी होत चालली आहे.

🔽

🖋️ *अभिजीत राणे लिहितात*

प्रणित मोरेच्या शोमधील गोंधळाने समाजातील विकृतीचे रूप उघड केले आहे. ३७० रुपयांच्या बिर्याणीवर बोलणाऱ्या मुलाने नोकरी गमावली, पण सेजल पवारला वेगळा न्याय मिळतोय हे प्रश्न निर्माण करणारे आहे. ती विद्यार्थी असल्याने समुपदेशनाचा मार्ग निवडला गेला, पण तिचे मृतदेहावरील वक्तव्य हे स्क्रिप्टेड होते हे स्पष्ट आहे. कंटेंट क्रिएटर म्हणून तिने मानसिक विकृती जगासमोर आणली. अशा शोद्वारे तरुणांना सभ्यतेपासून दूर नेण्याचा प्रयत्न १२ वर्षांपूर्वी AIB सारख्या कार्यक्रमांतून सुरू झाला. धर्माचा अपमान, आभासी जगाची मोहिनी आणि संघर्षाशिवाय मिळणाऱ्या गोष्टींनी Gen-Z ला “Cool” वाटणाऱ्या विकृतीत ढकलले आहे. तिच्या विधानानंतर followers वाढले हेच दाखवते की ही सामाजिक विकृती किती खोलवर पोहोचली आहे. हे डोपिंग भारतीय संस्कृतीसाठी घातक आहे.

🔽

🖋️ *अभिजीत राणे लिहितात*

तुकाराम मुंढे यांनी FDA प्रमुख पद स्वीकारताच राज्यभर धडाकेबाज कारवाई सुरू केली आहे. भेसळयुक्त अन्नपदार्थ, निकृष्ट खाद्यतेल, बनावट मसाले आणि नियमभंग करणाऱ्या व्यापाऱ्यांविरोधात छापे, नमुने तपासणी आणि परवान्यांची छाननी होत आहे. त्यामुळे बाजारात खाद्यतेल अचानक गायब झाल्याची चर्चा आहे. काही विक्रेत्यांनी कारवाईच्या भीतीने साठा मागे घेतला, तर तपासणीमुळे पुरवठा साखळीवर तात्पुरता परिणाम झाला आहे. नागरिकांच्या आरोग्याशी खेळ करणाऱ्यांवर कठोर कारवाई ही काळाची गरज आहे. शुद्ध व सुरक्षित अन्नपदार्थ हा प्रत्येक ग्राहकाचा हक्क आहे. सोशल मीडियावरही चर्चा रंगली आहे – “जिथे कारवाई होते, तिथेच गैरव्यवहार उघड होतात.” मुंढे यांच्या मोहिमेमुळे अनेक वर्षांचे गैरप्रकार थांबतील का, याकडे राज्याचे लक्ष लागले आहे. आरोग्याशी तडजोड नाही, भेसळखोरांना माफी नाही!

🔽

🖋️ *अभिजीत राणे लिहितात*

नितिन गडकरी हे रस्ते परिवहन व महामार्ग मंत्री आहेत, पेट्रोलियम मंत्री नाहीत. तरीही त्यांनी पेट्रोलमध्ये एथेनॉल मिसळण्याचा निर्णय घेतला आहे. एथेनॉल स्वस्त असले तरी त्याचा मायलेज कमी मिळतो आणि इंजिनवरही परिणाम होऊ शकतो, हे ग्राहकांचे म्हणणे आहे. मग हा निर्णय जनतेच्या सल्ल्याशिवाय का घेतला जातो? माझी गाडी एथेनॉलवर चालवायची की शुद्ध पेट्रोलवर, हे मी ठरवायचे, मंत्री नाही. लोकांच्या जीवनावर थेट परिणाम करणारे निर्णय घेण्याआधी सरकारने पारदर्शक चर्चा करायला हवी होती. एथेनॉल मिसळण्याने परकीय चलन वाचेल, हे खरे, पण ग्राहकांच्या हक्कांवर गदा येणार असेल तर तो निर्णय लोकशाहीविरोधी ठरतो. जनतेच्या मताला न जुमानता घेतलेले असे निर्णय लोकांमध्ये असंतोष निर्माण करतात.

🔽

🖋️ *अभिजीत राणे लिहितात*

फ्रेंच व्लॉगर ‘फ्रेंची’चा भारतातील अनुभव हा आपल्या आरोग्यसेवेचे वास्तविक सकारात्मक चित्र दाखवणारा आहे. मानेवरील गाठीसाठी त्याला भारतात शस्त्रक्रिया केवळ ५०० डॉलर्समध्ये झाली आणि अवघ्या आठवड्यात पूर्ण झाली. प्रतीक्षा यादी नाही, दर्जेदार सेवा आणि व्यावसायिक उपचार—हे सर्व त्याला आश्चर्यचकित करणारे ठरले. त्याने याची तुलना ऑस्ट्रेलियातील शस्त्रक्रियेशी केली, जिथे त्याला तब्बल १२,००० डॉलर्स खर्च आला होता. भारताविषयी नकारात्मक प्रचार करणाऱ्यांकडून अशा कथा कधीच सांगितल्या जात नाहीत, कारण त्या त्यांच्या प्रतिमेला आव्हान देतात. परवडणारी आरोग्यसेवा आणि सकारात्मक अनुभव हे भारताचे खरे सामर्थ्य आहे. अधिक पर्यटकांनी असे अनुभव शेअर केले तर भारताची खरी ओळख जगासमोर येईल आणि नकारात्मक प्रतिमा टिकवणे कठीण होईल. हेच भारताच्या आरोग्य क्षेत्राचे अभिमानास्पद वास्तव आहे.

🔽


 
 
 

Comments

  • Facebook
  • Twitter
  • Instagram
  • LinkedIn

Copyright © 2020 Abhijeet Rane

  • What's App
  • Telegram
bottom of page