तत्वनिष्ठ रवींद्र चव्हाण

🔏 [ ⏺️ ध्येयपथ ]

▪️==================▪️

तत्वनिष्ठ रवींद्र चव्हाण

● महाराष्ट्राच्या राजकारणात सध्या भाजपाचे प्रदेशाध्यक्ष रवींद्र चव्हाण यांच्या नावाची मोठी चर्चा सुरू आहे. नुकत्याच झालेल्या महानगरपालिका निवडणुकांमध्ये भाजपाला मिळालेल्या अभूतपूर्व यशामागे चव्हाण यांचे सूक्ष्म नियोजन आणि कार्यकर्त्यांशी असलेला थेट संवाद कारणीभूत ठरला आहे. डोंबिवलीचे आमदार म्हणून सलग चार वेळा निवडून येणाऱ्या चव्हाण यांनी आपल्या शिस्तबद्ध कार्यशैलीने आणि पक्षाप्रती असलेल्या निष्ठेने कार्यकर्त्यांच्या मनात अढळ स्थान निर्माण केले आहे. रवींद्र चव्हाण यांचा राजकीय प्रवास हा एका सामान्य कार्यकर्त्यापासून सुरू झाला. कोणताही राजकीय वारसा नसताना केवळ कर्तृत्वाच्या जोरावर त्यांनी नगरसेवक ते राज्याचा कॅबिनेट मंत्री आणि आता प्रदेशाध्यक्ष असा पल्ला गाठला आहे. त्यांच्या नेतृत्वाखाली भाजपा आज महाराष्ट्रात अधिक आक्रमक आणि संघटनात्मकदृष्ट्या मजबूत झालेला पाहायला मिळत आहे. प्रदेशाध्यक्ष म्हणून पदभार स्वीकारल्यानंतर चव्हाण यांनी संपूर्ण महाराष्ट्र पिंजून काढला आहे. गाव-वस्ती संपर्क अभियान आणि संघटना पर्व यांसारख्या मोहिमांच्या माध्यमातून त्यांनी भाजपला गावागावात पोहोचवले.

© -अभिजीत राणे

(दै.मुंबई मित्र/वृत्त मित्र, मराठी/हिंदी)

#ravindrachavan #abhijeetrane #AR