केशव स्मृती चॅरिटेबल मेडिकल सेंटरच्या नेत्र व वैद्यकीय शिबिराला अभिजीत राणे यांची उपस्थिती

◆ केशव स्मृती चॅरिटेबल मेडिकल सेंटरच्या नेत्र व वैद्यकीय शिबिराला अभिजीत राणे यांची उपस्थिती

-------

केशव स्मृती चॅरिटेबल मेडिकल सेंटरच्या माध्यमातून आयोजित करण्यात आलेल्या भव्य नेत्र व वैद्यकीय शिबिराला भाजपा कामगार आघाडीचे मुंबई अध्यक्ष तथा कामगार नेते अभिजीत राणे यांनी अतिथी म्हणून उपस्थिती लावली. या शिबिराच्या माध्यमातून नागरिकांना नेत्रतपासणी व वैद्यकीय सेवा उपलब्ध करून देण्याचा उपक्रम राबविण्यात आला.

या कार्यक्रमाला अतिथी म्हणून मुंबई महानगरपालिकेचे सभागृह नेते गणेश खणकर, उत्तर-पश्चिम जिल्हाध्यक्ष ज्ञानमूर्ती शर्मा, नगरसेवक विक्रम राजपूत आणि भाजपा युवा मोर्चाचे उत्तर-पश्चिम जिल्हाध्यक्ष कैयुर प्रामाणिक उपस्थित होते. कार्यक्रमाचे आयोजक तथा संस्थेचे कार्यकारी विश्वस्त प्रशांत साळुंके यांनी यावेळी अभिजीत राणे यांचे स्वागत केले.

याप्रसंगी बोलताना कामगार नेते अभिजीत राणे म्हणाले, ‌‘आरोग्य ही प्रत्येक व्यक्तीची मूलभूत गरज आहे. अनेकदा आर्थिक अडचणींमुळे सर्वसामान्य नागरिकांना वेळेवर नेत्रतपासणी आणि वैद्यकीय सेवा घेता येत नाहीत. अशा परिस्थितीत मोफत किंवा सुलभ वैद्यकीय सेवा उपलब्ध करून देणारी आरोग्य शिबिरे समाजासाठी अत्यंत उपयुक्त ठरतात. केशव स्मृती चॅरिटेबल मेडिकल सेंटरने सामाजिक बांधिलकी जपत राबविलेला हा उपक्रम कौतुकास्पद असून, अशा सेवाभावी कार्यातून समाजातील गरजू नागरिकांना मोठा आधार मिळतो.‌’

संस्थेचे कार्यकारी विश्वस्त प्रशांत साळुंके यांनी सांगितले, ‌‘सर्वसामान्य नागरिकांना आरोग्यविषयक सुविधा सहज उपलब्ध व्हाव्यात आणि आर्थिक परिस्थितीमुळे कोणालाही उपचारांपासून वंचित राहावे लागू नये, या उद्देशाने या शिबिराचे आयोजन करण्यात आले आहे. समाजातील गरजू नागरिकांपर्यंत आरोग्यसेवा पोहोचविणे ही आमची सामाजिक जबाबदारी असून, भविष्यातही अशा लोकहिताच्या उपक्रमांच्या माध्यमातून समाजसेवेचे कार्य सुरू ठेवण्याचा आमचा प्रयत्न राहील.‌’

या उपक्रमामुळे आरोग्यसेवेविषयी जनजागृती करण्यासोबतच गरजू नागरिकांना वैद्यकीय तपासणीची सुविधा उपलब्ध करून देण्याच्या सामाजिक कार्याला चालना मिळाली. Devendra Fadnavis Devendra Fadnavis for Maharashtra CMOMaharashtra Bharatiya Janata Party (BJP) BJP Mumbai BJP Maharashtra

---