इथेनॉल मिश्रित पेट्रोलवर सरकारचा वेगवान धडाका लोकांच्या गाड्यांइतकाच...
- dhadakkamgarunion0
- 4 days ago
- 2 min read
🖋️ *अभिजीत राणे लिहितात*
इथेनॉल मिश्रित पेट्रोलवर सरकारचा वेगवान धडाका लोकांच्या गाड्यांइतकाच त्यांच्या भविष्यासाठीही धोकादायक ठरतो आहे. ICICI लोम्बार्डसारख्या मोठ्या विमा कंपन्या जुन्या गाड्यांमध्ये E20 वापर ‘लापरवाही’ मानतात, म्हणजे नुकसान झालं तर कव्हर नाही. सरकारने 2030 चा टारगेट पाच वर्षे आधी गाठला, पण 5 ट्रिलियन इकॉनॉमीचं लक्ष्य मात्र पुढे ढकललं. गन्न्यापासून इथेनॉल तयार करण्यासाठी हजारो लिटर पाणी खर्च होतं, आणि भारतात आधीच भूजल संकट तीव्र आहे. ब्राझीलकडे क्षेत्रफळ, पाणी आणि पाऊस जास्त असल्याने ते निभावून नेतात, पण भारतात ही शर्यत पिण्याच्या पाण्याच्या किंमतीवर चालली आहे. उद्या पेट्रोलप्रमाणेच पाणीही खरेदी करावं लागेल, आणि त्याचं ठेका मंत्रीपुत्रांकडे जाईल. ही धोरणं लोकशाहीपेक्षा नातेसंबंधांना पोसणारी ठरतात.
🔽
🖋️ *अभिजीत राणे लिहितात*
उद्धव ठाकरे यांच्या नेतृत्वावर दोन खासदारांच्या अनुभवांनी मोठा प्रश्नचिन्ह उभा केला आहे. संजय दिना पाटील यांच्या पत्नी रुग्णालयात उपचार घेत असताना उद्धव-आदित्य यांनी साधा फोनही केला नाही, तर फडणवीसांनी फोन केला आणि शिंदे स्वतः भेटायला गेले. अमित शहांनीही तब्येतीची चौकशी केली. हिंगोलीचे खासदार नागेश पाटील आष्टीकर यांच्या पत्नीचं निधन झाल्यावरही उद्धव ठाकरे भेटायला आले नाहीत, त्यांच्या मतदारसंघात येऊनही सांत्वन केलं नाही. वाढदिवसाला साधा फोनही केला नाही, पण अमित शहांनी शुभेच्छा दिल्या. या घटनांनी ठाकरेंच्या नेतृत्वातील भावनिक दुरावा स्पष्ट होतो, तर शिंदे-भाजप नेत्यांनी मानवी संवेदनांना महत्त्व दिलं. राजकारणात माणसं तुटतात कशी, जुळतात कशी याचं उत्तर इथेच दडलं आहे.
🔽
🖋️ *अभिजीत राणे लिहितात*
पुणे-संगमनेर-नाशिक रेल्वे मार्ग अखेर रद्द झाल्याची घोषणा जनतेसाठी मोठा धक्का आहे. तीन दशके खेड, आंबेगाव, जुन्नर, संगमनेर तालुक्यातील लोकांना आशेवर ठेवून नेतेमंडळींनी निवडणुका लढवल्या, विकासाच्या गाजावाजा केला. शेतकरी आणि नागरिकांनी स्वप्न पाहिले की शेतीमाल शहरात पोहोचेल, उद्योगधंदे वाढतील, जमिनीचे भाव चढतील. पण जीएमआरटीने तांत्रिक कारण देत प्रकल्प रद्द केला आणि सर्व स्वप्नांवर नांगर फिरवला. आता या प्रकल्पाच्या माध्यमातून राजकारण करणाऱ्या आजी-माजी आमदार, खासदारांच्या भूमिकेकडे जनता बारकाईने पाहत आहे. रेल्वे मार्ग रद्द झाल्याने विकासाचे स्वप्न तुटले, आणि जनतेच्या मनात तीव्र नाराजी व अविश्वास निर्माण झाला आहे.
🔽
🖋️ *अभिजीत राणे लिहितात*
राजकारणात शब्दांची ताकद किती असते हे शिवसेनेच्या अलीकडच्या प्रवासातून स्पष्ट दिसते. संजय राऊत यांच्या वादग्रस्त वक्तव्यांपासून कामाख्या देवीवरील टिप्पणीपर्यंत अनेक प्रसंगांनी पक्षाला टीकेला सामोरे जावे लागले. “१०५ आमदार घरी बसवले” या गर्विष्ठ भाषेने आत्मविश्वास आणि अहंकार यांच्यातील रेषा ओलांडली. पालघर साधू हत्याकांड, कंगना राणावत प्रकरण, केतकी चितळे अटक यामुळे प्रतिमेला मोठा धक्का बसला. हिंदुत्ववादी मतदार दुखावले गेले, कार्यकर्त्यांमध्ये असंतोष वाढला. सतत विरोधकांवर दोषारोप करताना घरातील लोकच दूर जात आहेत, हे आत्मपरीक्षणाचे संकेत आहेत. बाळासाहेबांच्या काळातील जनतेशी असलेले नाते कमकुवत झाले आहे. शेवटी अहंकाराचा रथ वास्तवाच्या खड्ड्यात अडकतो, आणि नियतीचा निकाल कोणत्याही भाषणापेक्षा मोठा ठरतो.
🔽
🖋️ *अभिजीत राणे लिहितात*
मराठी चित्रपट देऊळ बंद २ च्या रिलीजच्या चार दिवस आधी रेड चिलीजमध्ये डीआयचे बिल अचानक १२ लाखांवरून ४२ लाखांवर गेले. ही बातमी शाहरुख खानपर्यंत पोहोचली तेव्हा त्यांनी तंत्रज्ञांना विचारले, “फिल्म कैसी बनी है?” आणि उत्तर मिळाले, “सर, पिक्चर बहुत भारी है, पण पैसे नाहीत.” त्याक्षणी किंग खानने दिलदारी दाखवत ४५ टक्के बिल माफ केले आणि डीसीपी देण्याचा आदेश दिला. एका मराठी चित्रपटासाठी त्यांनी दाखवलेला हा उदारपणा आणि प्रादेशिक सिनेमांचा सन्मान खरोखरच हृदयस्पर्शी आहे. शाहरुख खान यांनी सिद्ध केले की खरा स्टार तोच, जो आपल्या प्रभावाचा उपयोग इतरांना उभं करण्यासाठी करतो. मराठी चित्रपटसृष्टीसाठी ही कृपा कायम स्मरणात राहील.
🔽
#EthanolBlending #E20Fuel #FuelPolicy #WaterCrisis #GroundwaterDepletion #ShivSena #MaharashtraPolitics #Pune #Sangamner #Nashik #RailwayProject #InfrastructureDevelopment #Hindutva #PoliticalCommunication #LeadershipCrisis #MarathiCinema #DeoolBand2 #RegionalCinema #IndianCinema
Comments