🖋️ अभिजीत राणे लिहितात
- dhadakkamgarunion0
- 3 days ago
- 3 min read
🖋️ अभिजीत राणे लिहितात
या वर्षीचा सर्वात लक्षवेधी पद्मश्री पुरस्कार ब्राझीलचे जोनास मासेटी यांना प्रदान करण्यात आला आहे. वेद आणि भगवद्गीतेचे ज्ञान प्रसृत केल्याबद्दल त्यांना साहित्य आणि शिक्षण क्षेत्रातील पद्मश्री पुरस्काराने सन्मानित करण्यात आले आहे. अनवाणी पायांनी चालणारे, रुद्राक्षांची माळ घालणारे आणि संन्याशासारखा पेहराव करणारे मासेटी यांनी पाच वर्षे ब्राझीलच्या सैन्यात मेकॅनिकल इंजिनियर म्हणून काम केले, त्यानंतर एका शेअर बाजारातील कंपनीत सल्लागार म्हणून काम केले आणि अखेरीस शिक्षक म्हणून त्यांनी सुमारे १,५०,००० विद्यार्थ्यांना वेद, गीता आणि योगाच्या विज्ञानाची ओळख करून दिली. पद्मश्री पुरस्कार मिळवणे ही काही लहान गोष्ट नाही. विशेष म्हणजे, ते पायात चप्पलही घालत नाहीत आणि पारंपरिक शेंडीही ठेवतात. ब्राझीलमधून आलेला एक परदेशी माणूस आपल्याला इतके काही शिकवतो. दरम्यान, इथे आपण काही अतिरिक्त पुस्तके आणि इंग्रजी भाषेच्या पलीकडे बोलायला कचरतो; आपल्याला आपल्या मातृभाषेत बोलायला लाज वाटते आणि तसे करणे कठीणही वाटते...
🔽
🖋️ अभिजीत राणे लिहितात
जातीय व पक्षनिहाय ट्रेड युनियनचा धोका
सरकारी नोकरी ही शासनाशी निष्ठा ठेवण्याची शपथ घेऊन सुरू होते. पण जातीनिहाय व पक्षनिहाय ट्रेड युनियनमुळे ही निष्ठा विसविशीत होते. कर्मचारी आपल्या जातीच्या किंवा पक्षाच्या हितासाठी काम करतात, शासनाच्या हितासाठी नव्हे. यामुळे अन्य जातींना व पक्षांना अन्यायकारक वागणूक मिळते. अशा युनियनमुळे राजकीय नेत्यांना आर्थिक व सामाजिक ताकद मिळते, ज्यामुळे शासनव्यवस्था कमकुवत होते. ट्रेड युनियन असाव्यात, पण त्या श्रेणी निहाय किंवा कामानुसार असाव्यात. उदाहरणार्थ, चतुर्थ श्रेणी कर्मचारी किंवा MSEB लाइनमन यांची स्वतंत्र युनियन असावी. अशा युनियनची निष्ठा कर्मचार्यांच्या हक्कांसाठी असेल, जातीसाठी किंवा पक्षासाठी नव्हे. जातीय व पक्षनिहाय युनियनवर बंदी घालणारा कायदा आवश्यक आहे. अन्यथा शासनाशी असलेली निष्ठा तुटेल आणि प्रशासनात गोंधळ व अन्याय वाढेल.
🔽
🖋️ अभिजीत राणे लिहितात
दावोस करारांचे नाटक
कालच संपलेल्या जागतिक दावोस परिषदेचे वास्तव महाराष्ट्रातील तरुणाच्या उदाहरणातून स्पष्ट होते. नोकरी न मिळाल्याने व्यवसायाचा विचार करणारा तरुण जसा "दावोसला जाऊन सह्या करूया" म्हणतो, तसाच प्रकार उद्योगपती करतात. 27 करारांपैकी 20 भारतीय कंपन्यांचे असून त्यांची मुख्य कार्यालये मुंबईतच आहेत. मग त्यांनी दावोसला जाऊन सह्यांचे नाटक का केले? मागच्या वर्षीही असेच झाले. करार झाले पण प्रकल्प सुरू झाले नाहीत. हे करार फक्त सवलती मिळवण्यासाठी, शासनावर दबाव आणण्यासाठी असतात. प्रत्यक्ष गुंतवणूक मात्र होत नाही. दावोस हे वास्तवात उद्योगपतींचे प्रदर्शन आहे, रोजगारनिर्मितीचे नव्हे. महाराष्ट्राला खऱ्या गुंतवणुकीची गरज आहे, नुसत्या सह्यांची नाही. अन्यथा तरुणांना नोकरीऐवजी भाजीपाला विक्रीसारखे छोटे व्यवसायच खरे पर्याय ठरतील.
🔽
🖋️ *अभिजीत राणे लिहितात
महाराष्ट्रात एमआयएमची मुसंडी
महापालिका निवडणुकांमध्ये एआयएमआयएमचे १२६ नगरसेवक निवडून आल्याने महाराष्ट्रातील राजकीय समीकरणे बदलली आहेत. मुस्लिम मतदारांनी काँग्रेस, राष्ट्रवादी, सपा यांना इशारा देत एमआयएमला पसंती दिली आहे. धर्मनिरपेक्षतेचा दावा करणाऱ्या पक्षांनी मुस्लिम समाजाकडे दुर्लक्ष केले, हीच नाराजी मतांतून दिसली. ओवेसी यांनी मराठवाड्यातून सुरुवात करून मुंबई, नागपूर, ठाणे, सोलापूरसारख्या महापालिकांमध्ये प्रभाव दाखवला. मुस्लिम मतदारांचे एकवटलेले मतदान हे अचानक फतव्यामुळे नव्हे, तर दीर्घ तयारीचे फलित आहे. काँग्रेस व राष्ट्रवादीसारख्या पक्षांना मुस्लिम मतदार गृहित धरता येणार नाहीत, हे स्पष्ट झाले आहे. ध्रुवीकरण वाढल्यास त्याचा लाभ भाजपला होतो, हे निकालांनी दाखवले आहे. पुढील निवडणुकांत एमआयएमचा प्रभाव महाराष्ट्रात आणखी वाढण्याची शक्यता नाकारता येत नाही.
🔽
🖋️ अभिजीत राणे लिहितात
सुप्रीम कोर्टाचा ऐतिहासिक निर्णय : स्टॅम्प पेपरला Expiry नाही
भारतामध्ये वर्षानुवर्षे एक गैरसमज पसरला होता की स्टॅम्प पेपर ६ महिन्यांनंतर वापरता येत नाही. पण सुप्रीम कोर्टाने Thiruvengada Pillai vs Navaneethammal (2008) या प्रकरणात स्पष्ट केले की Non-Judicial Stamp Paper ला कोणतीही Expiry Date नाही. स्टॅम्प पेपर हे चलनासारखे आहे. भारतीय स्टॅम्प अॅक्टच्या कलम ५४ नुसार ६ महिन्यांच्या आत रिफंड मिळतो, पण वापरण्यासाठी कोणतीही मर्यादा नाही. १९९५, २००० किंवा २०१० मध्ये घेतलेला पेपर आजही करार, MOU, भाडेकरार, मालमत्ता व्यवहार, Affidavit किंवा Loan साठी वैध आहे. फक्त पेपर Genuine असणे आवश्यक आहे. बनावट किंवा चुकीच्या उद्देशाने घेतलेला पेपर अमान्य ठरतो. या निर्णयामुळे सामान्य लोकांना मोठा फायदा होणार आहे— जुने पेपर वापरून व्यवहार करता येतील आणि चुकीच्या अफवांना पूर्णविराम मिळेल.
🔽
#AbhijeetRane #JonasMasetti #PadmaShri #VedasAndGita #TradeUnionReform #DavosReality #YouthAndJobs #AIMIM #AsaduddinOwaisi #MaharashtraPolitics #SupremeCourtIndia #DevendraFadnavis #bjpmahararashtra
Comments