शरद पवार पुन्हा राज्यसभेवर जाणार.
- dhadakkamgarunion0
- 8 hours ago
- 2 min read
🖋️ अभिजीत राणे लिहितात
शरद पवार पुन्हा राज्यसभेवर जाणार. यामागे संजय राऊत असेल अथवा संजय राऊत सारख्या रेड्याच्या तोंडून साहेबांनी आपल्या राज्यसभेची व्यवस्था केली असं कोणाला वाटत असेल तर ते साफ झूठ आहे. शरद पवार उमेदवार असतील तर आम्ही सातवा उमेदवार देणार नाही असं फडणवीसांनी जाहीर केलं तेव्हाच पवार साहेबांची उमेदवारी निश्चित झाली होती. यावरून एक नक्की की पवारांच्या उमेदवारी मागे फडणवीसांचाच हात आहे. आता शरद पवारांची उमेदवारी जाहीर झाल्यानंतर फडणवीसांनी सातवा उमेदवार द्यावा आणि पवार साहेबांना आस्मान दाखवाव अशी भक्तांची मनापासून इच्छा आहे. पण फडणवीस तसं करणार नाहीत. साहेबांच्या पाठीत खंजीर खुपसणार नाहीत. अशी खेळी खेळण्यामागे फडणवीसांचा काय हेतू असेल तर कळायला साहेबांना पुन्हा पुन्हा जन्म घेऊन डोकं खाजवावं लागेल. पण उत्तर मिळणार नाही.
🔽
🖋️ अभिजीत राणे लिहितात
इराण सध्या आपल्या अस्तित्वासाठी लढत आहे. अमेरिकन‑इस्राईली हल्ल्यांमुळे होणारी वेदना ही जगाला आर्थिक नुकसानाच्या स्वरूपात जाणवावी, ही त्यांची महत्त्वाची रणनीती ठरली आहे. श्रीमंत अरब राष्ट्रांना टार्गेट करणे आणि हॉर्मुझ सामुद्रधुनी रोखून धरणे यामुळे दररोज जागतिक अर्थव्यवस्थेला अब्जावधी डॉलर्सचा फटका बसतो. तेल, पर्यटन आणि विमानतळ उद्योगांवर हल्ले करून इराणने या राष्ट्रांच्या आर्थिक कणाावरच प्रहार केला आहे.युद्ध दीर्घकाळ चालल्यास पाणी शुद्धीकरण प्रकल्प, वीजपुरवठा व्यवस्था यांवर हल्ले होण्याची शक्यता अधिक आहे. अशा वेळी अरब राष्ट्रांसमोर भीषण संकट उभे राहील. इराणसाठी ही रणनीती केवळ लष्करी नव्हे तर आर्थिक अस्तित्वाची लढाई आहे—जगाला दररोज महागात पडणारी.
🔽
🖋️ *अभिजीत राणे लिहितात
आजच्या काळात युद्ध केवळ शस्त्रांनीच नाही तर माहितीच्या प्रवाहानेही लढले जाते. इराण‑इस्राईल संघर्षात हे स्पष्ट दिसते. इराण भारताला धन्यवाद म्हणतो, आणि त्याचा परिणाम इस्राईलच्या जनमानसावर होतो—लोक आपल्या सरकारच्या धोरणांवर प्रश्न विचारू लागतात. महाभारतात कृष्णाने “अश्वत्थामा मारा गेला” ही अफवा पसरवून द्रोणाचार्यांसारख्या महाज्ञानीला गोंधळवले होते, त्याचाच आधुनिक आविष्कार म्हणजे माहिती युद्ध.भारताची अडचण अशी की आपण सोशल मिडियावर आलेली प्रत्येक बातमी तपासल्याशिवाय शेअर करतो. लेखक कोण आहे, त्याची विश्वासार्हता काय आहे, याकडे लक्षच दिले जात नाही. त्यामुळे छोट्या देशांचीदेखील पोस्ट आपल्याला हादरवते. माहिती युद्धात टिकायचे असेल तर प्रत्येक बातमीची पडताळणी करणे, विचारपूर्वक शेअर करणे आणि जनमानसावर होणाऱ्या परिणामांचा विचार करणे आवश्यक आहे.
🔽
🖋️ अभिजीत राणे लिहितात
अमेरिकेच्या कारवाईत इराणी युद्धनौका बुडवली गेली आणि शेकडो नौसैनिकांचा मृत्यू झाला, ही घटना मानवी मूल्यांना धक्का देणारी आहे. आंतरराष्ट्रीय प्रोटोकॉलनुसार अशा सरावात जहाजे शस्त्रविरहित असतात, तरीही हल्ला करण्यात आला. बचावलेल्या नौसैनिकांना मदत न करणे हे समुद्रातील न लिहिलेले नियम मोडणारे कृत्य ठरले. भारताच्या निमंत्रणावर आलेल्या जहाजावर हल्ला करून अमेरिकेने भारताच्या संवेदनशीलतेकडे दुर्लक्ष केले, असे माजी परराष्ट्र सचिव कंवल सिब्बल यांनी स्पष्ट केले. श्रीलंकेला पुढे येऊन बचावकार्य करावे लागले, ही अमेरिकेच्या दुर्लक्षाची साक्ष आहे. युद्धात विजय मिळवणे वेगळे, पण बचावलेल्या जीवांना वाचवणे ही मानवी जबाबदारी आहे. या घटनेने दाखवून दिले की माहिती युद्ध आणि निर्दयता यांचा संगम किती भयावह ठरू शकतो.
🔽
🖋️ अभिजीत राणे लिहितात
सऊदी क्राऊन प्रिन्सच्या वक्तव्याने पुन्हा एकदा इस्लाममधील शिया–सुन्नी तणाव उघड झाला आहे. इतिहासातील रक्तरंजित संघर्ष आजही राजकीय भाषेत जिवंत केला जातो. श्रद्धेच्या केंद्रस्थानी असलेल्या मक्का–मदीना या पवित्र स्थळांना सतत या शत्रूत्वाच्या छायेत ठेवले जाते आहे. शिया असो वा सुन्नी, दोघेही इस्लामचे अनुयायी आहेत. त्यांनी परस्परांना शत्रू ठरवणे आणि राजकीय हेतूंसाठी धार्मिक द्वेष पसरवणे ही धोकादायक प्रवृत्ती आहे. परंतु हा कित्येक शतके जीवंत असलेला सैद्धांतिक संघर्ष आहे आणि तो लवकर शमण्याची चिन्हे नाहीत. आज इराण सर्व अरब राष्ट्रांवर करत असलेल्या मिसाईल हल्ल्याकडे सुद्धा या शिया सुन्नी संघर्षाच्या पार्श्वभूमीवर बघणे आवश्यक आहे.
🔽
Comments