युसुफ पठाणच्या राजकीय प्रवासाने समर्थकांच्या दुटप्पीपणाचा आरसा दाखवला आहे...
- dhadakkamgarunion0
- 2 hours ago
- 3 min read
🖋️ *अभिजीत राणे लिहितात*
युसुफ पठाणच्या राजकीय प्रवासाने समर्थकांच्या दुटप्पीपणाचा आरसा दाखवला आहे. तृणमूलकडून उमेदवारी मिळाल्यावर तो “कट्टर मुस्लीम” म्हणून हल्ल्याचा विषय झाला आणि काँग्रेसच्या हिंदू अधिरंजन चौधरीला हरवल्यावर “व्होट जिहाद”च्या आरोपांनी गाजावाजा झाला. पण कालच तो तृणमूलच्या गटातून भाजपकडे झुकला, तर तेच लोक “शेवटी गुजरातीच!” म्हणत त्याची पाठ थोपटू लागले. ममता बॅनर्जी अनेक बाबतीत चुकीची असली तरी समर्थकांचा हा सोयीस्कर धर्म, भाषा आणि प्रदेश वापरून राजकीय समर्थनाचा खेळ अधिक विचित्र आहे. राजकारणात विरोधकांना दोष देणे सोपे असते, पण स्वतःच्या ढोंगी निकषांकडे दुर्लक्ष करणे ही खरी समस्या आहे. त्यामुळे सॅल्युट ठोकायच्या लायकीचे हे समर्थकच आहेत—कारण त्यांचा धर्मनिष्ठा आणि राष्ट्रवाद हा फक्त पक्षाच्या सोयीपुरता आहे.
🔽
🖋️ *अभिजीत राणे लिहितात*
मुंबईतील एका सोसायटीत जैन धर्मगुरूंच्या स्वागतासाठी सार्वजनिक जागेत पांढरी पट्टी रंगवण्यात आल्याने निर्माण झालेला वाद हा केवळ धार्मिक नाही तर सार्वजनिक व्यवस्थेच्या तटस्थतेचा आहे. प्रसाद वेदपाठक यांनी घेतलेला आक्षेप योग्य आहे, कारण सामायिक जागांवर कोणतेही कायमस्वरूपी धार्मिक चिन्हांकन करण्यासाठी सर्वांची संमती आणि संस्थात्मक परवानगी आवश्यक असते. “कोणी आक्षेप घेतला नाही म्हणजे परवानगी मिळाली” असा अर्थ होऊ शकत नाही. आज एका धर्माला सवलत दिली तर उद्या दुसरा धर्मही मागणी करेल आणि मग नियमांऐवजी धार्मिक स्पर्धा सुरू होईल. श्रद्धा पाळण्याचा अधिकार प्रत्येकाला आहे, पण तो इतरांच्या सामायिक जागांवर लादता कामा नये. त्यामुळे हा मुद्दा धर्मविरोधाचा नसून सार्वजनिक जागांची समानता आणि भविष्यातील अनावश्यक वाद टाळण्याचा प्रयत्न म्हणून पाहिला गेला पाहिजे.
🔽
🖋️ *अभिजीत राणे लिहितात*
मेघालयने शांतपणे पण ठामपणे राष्ट्रीय सुरक्षेला मोठा हातभार लावला आहे. पश्चिम बंगालकडे सगळ्यांचे लक्ष असताना, मेघालयने बांगलादेश सीमेवर तब्बल ४०० किमी कुंपण पूर्ण केले आहे—म्हणजे जवळपास ९० टक्के काम संपले. आता फक्त ४० किमी बाकी असून पूर्णत्वाची रेषा नजरेसमोर आहे. ही कामगिरी केवळ आकड्यांची नाही, तर सीमावर्ती भागातील घुसखोरी, तस्करी आणि असुरक्षिततेला आळा घालणारी ठोस पायरी आहे. इतक्या वेगाने आणि शिस्तबद्धपणे काम पूर्ण करणं हे प्रशासनाच्या कार्यक्षमतेचं द्योतक आहे. राष्ट्रीय सुरक्षेच्या दृष्टीने हा विजय मोठा आहे आणि इतर राज्यांसाठी प्रेरणादायीही. मेघालयने दाखवून दिलं की, शांतपणे काम करूनही देशाच्या सुरक्षेत ऐतिहासिक योगदान देता येतं.
🔽
🖋️ *अभिजीत राणे लिहितात*
पंतप्रधान नरेंद्र मोदी यांनी भारतीय लोकशाहीत नवा इतिहास रचला आहे. ते भारताचे सर्वाधिक काळ जनतेतून निवडून आलेले, भारतीय संविधानाला धरून शपथ घेतलेले आणि सलग पदभार सांभाळणारे पंतप्रधान ठरले आहेत. ४३९९ दिवसांचा हा विक्रम नेहरूंच्या ४३९८ दिवसांच्या कार्यकाळाला मागे टाकतो. नेहरूंचा प्रारंभीचा काळ हा निवडणुकीशिवाय व ब्रिटिशांच्या शपथेवर आधारित होता, तर इंदिरा गांधी ४०७७ दिवस, मनमोहन सिंग ३६५६ दिवस आणि राजीव गांधी १८५८ दिवस पंतप्रधान राहिले. या चौघांचा जन्म ब्रिटिश राजवटीत झाल्याने त्यांची कार्यपद्धती वेगळी होती. मात्र मोदींचा जन्म स्वतंत्र भारतात झाल्याने त्यांची राष्ट्रनिष्ठ कार्यशैली ठळकपणे वेगळी दिसते. हा विक्रम केवळ दीर्घकालीन पदभाराचा नाही, तर जनतेच्या सातत्यपूर्ण विश्वासाचा पुरावा आहे. अभिनंदन मोदीजी, पुढील वाटचालीसाठी शुभेच्छा!
🔽
🖋️ *अभिजीत राणे लिहितात*
भाजपच्या रणनीती आणि डावपेचांवर काँग्रेस कधीच मात करू शकणार नाही. राज्यसभा निवडणुका सध्या सुरू आहेत. आणि मध्य प्रदेशात राज्यसभेसाठी तीन उमेदवारांची जागा होती. त्यापैकी दोघांना भाजपने उमेदवारी दिली होती, आणि तिथे काँग्रेसचे आमदार असल्यामुळे काँग्रेसच्या केंद्रीय नेतृत्वाने मीनाक्षी नटराजन यांना राज्यसभेच्या जागेसाठी उमेदवारी दिली. पण खरा ट्विस्ट तेव्हा आला, जेव्हा भाजपने जास्तीचे एकही मत नसतानाही, आपले तिसरे उमेदवार महेश केवट यांनाही राज्यसभेच्या जागेसाठी उमेदवारी दिली. क्रॉस-व्होटिंग टाळण्यासाठी काँग्रेस आपल्या आमदारांना खासगी विमानाने कर्नाटकात पाठवण्याची तयारी करत होती. आणि एक भूकंप झाला, पण तो अटळ होता. आता अशी बातमी येत आहे की, निवडणूक आयोगाने मीनाक्षी नटराजन यांची उमेदवारी फेटाळली आहे. कारण भाजपने तक्रार केली होती की त्यांनी आपल्या प्रतिज्ञापत्रात तेलंगणातील एका प्रलंबित खटल्याचा उल्लेख केलेला नाही. मीनाक्षी निवडणुकीतून माघार घेताच, भाजपचे तिन्ही उमेदवार राज्यसभेत पोहोचतील.
🔽
Comments