मुख्यमंत्री फडणवीस यांच्या दूरदृष्टीने विदर्भाचा विकास 'टेक-ऑफ'साठी सज्ज

🔏 [ ⏺️ पंचनामा ]

▪️==================▪️

मुख्यमंत्री फडणवीस यांच्या दूरदृष्टीने विदर्भाचा विकास 'टेक-ऑफ'साठी सज्ज

● नागपूरच्या डॉ. बाबासाहेब आंबेडकर आंतरराष्ट्रीय विमानतळाचे जीएमआर कंपनीकडे झालेले हस्तांतरण हा मुख्यमंत्री देवेंद्र फडणवीस यांच्या दूरदृष्टीचा आणि सातत्यपूर्ण प्रयत्नाचा मोठा विजय मानला जात आहे. या ऐतिहासिक प्रकल्पामुळे गेल्या अनेक वर्षांपासून रखडलेल्या विमानतळाच्या विस्तारीकरणाचा मार्ग अखेर मोकळा झाला असून, विदर्भाच्या विकासाला एक नवी गती मिळाली आहे. या हस्तांतरण सोहळ्यात प्रामुख्याने उपस्थित असलेले मुख्यमंत्री फडणवीस यांनी अत्यंत आत्मविश्वासाने सांगितले की, हा प्रकल्प केवळ विदर्भाचा कायापालट करणार नाही, तर शेजारील तेलंगणा, छत्तीसगड आणि मध्यप्रदेश या राज्यांच्या आर्थिक प्रगतीलाही मोठी गती देईल. नागपूरला देशाचे 'लॉजिस्टिक कॅपिटल हब' बनवण्याचे आणि कार्गो वाहतुकीला जागतिक स्तरावर नेण्याचे त्यांचे स्वप्न आता प्रत्यक्षात येत आहे. २०२९ पर्यंत या विमानतळाचे काम पूर्ण करून तेथील प्रवासी क्षमता ३ कोटींपर्यंत नेण्याचे महत्त्वाकांक्षी लक्ष्य त्यांनी ठेवले आहे. देवेंद्र फडणवीस यांच्या नेतृत्वाखालील या पुढाकारामुळे नागपूर विमानतळ आता केवळ एक वाहतुकीचे केंद्र न राहता, संपूर्ण मध्य भारताच्या आर्थिक प्रगतीचे मुख्य 'इंजिन' ठरणार आहे. विदर्भाच्या औद्योगिक आणि आर्थिक विकासाला मिळालेली ही झेप फडणवीस यांच्या विकासात्मक राजकारणाची मोठी उपलब्धी आहे.

© -अभिजीत राणे

(दै.मुंबई मित्र/वृत्त मित्र, मराठी/हिंदी)