"नारीशक्ती वंदन विधेयक" हा भारतीय लोकशाहीतील...

🖋️ अभिजीत राणे लिहितात

"नारीशक्ती वंदन विधेयक" हा भारतीय लोकशाहीतील ऐतिहासिक टप्पा आहे. दशकानुदशके प्रलंबित असलेला महिला आरक्षणाचा मुद्दा अखेर प्रत्यक्षात उतरला आहे. लोकसभा व विधानसभांमध्ये महिलांना ३३ टक्के आरक्षण देण्याचा निर्णय हा केवळ जागांचा वाटप नाही, तर मातृशक्तीला निर्णयप्रक्रियेत थेट सहभाग देणारा आहे. पंतप्रधान नरेंद्र मोदी यांच्या नेतृत्वाने दाखवून दिले की महिला सक्षमीकरण हे भाषणापुरते मर्यादित नसून कृतीतून सिद्ध करता येते. उज्ज्वला योजना, स्वच्छ भारत अभियान, जनधन खाते यानंतर आता विधिमंडळात महिलांना हक्काची जागा मिळाली आहे. विरोधकांनी स्त्री-पुरुष समानतेच्या गप्पा मारल्या, पण खरी कसोटी आता आहे—या विधेयकाला विनाअट पाठिंबा देण्याची. अन्यथा इतिहास त्यांना स्त्रीशक्तीच्या मार्गातील अडथळा म्हणून ओळखेल. नारीशक्तीचा विजय म्हणजे भारताच्या भविष्याचा नवा अध्याय.

www.abhijeetrane.in

www.mumbaimitra.com

🔽

🖋️ अभिजीत राणे लिहितात,

रुपाली चाकणकर प्रकरणात एसआयटीची भूमिका ही गंभीर प्रश्न निर्माण करणारी ठरली आहे. मुख्य आरोपीशी जोडलेल्या दोन बहिणींमध्ये एकीची चौकशी झाली, तर दुसरीवर शून्य कारवाई—ही दुहेरी वागणूक कायद्याच्या विश्वासार्हतेवरच प्रश्नचिन्ह उभी करते. सातपुते मॅडम यांच्या पत्रकार परिषदेत आधीच सार्वजनिक असलेली माहिती पुन्हा सांगितली गेली, तर खरातच्या बदनामीवर गुन्हे दाखल करण्याची धमकी दिली गेली. पण खरात अनेक वर्षे गुन्हे करत होता, त्याला राजकीय पाठबळ मिळत होते, हे सर्वांना ठाऊक आहे. तरीही चौकशी अपुरी राहिली. महिलांच्या बाबतीतील गुन्ह्यांत एसआयटी बसते, पण निकाल मात्र धूसर राहतो. खरातला शिक्षा होईल, पण त्याला मदत करणारे राजकीय हात मोकळे फिरतील, अशीच चिन्हे दिसतात. हीच खरी न्यायव्यवस्थेची शोकांतिका आहे.

www.abhijeetrane.in

www.mumbaimitra.com

🔽

🖋️ अभिजीत राणे लिहितात,

लोकसभेच्या जागा वाढवण्याचा प्रश्न हा केवळ तांत्रिक नाही, तर संघराज्य रचनेची खरी कसोटी आहे. लोकसंख्येच्या आधारावर प्रतिनिधित्व देणे हा लोकशाहीचा गाभा असला तरी दक्षिणेतील राज्यांचा मुद्दा योग्य आहे—कारण त्यांनी लोकसंख्या नियंत्रण, शिक्षण, आरोग्य आणि रोजगार निर्मितीत उल्लेखनीय कामगिरी केली आहे. उत्तरेतील राज्ये लोकसंख्या वाढीवर नियंत्रण ठेवण्यात अपयशी ठरली, त्यामुळे त्यांना अधिक जागा मिळणे दक्षिणेला अन्यायकारक वाटते. यामुळे उत्तर विरुद्ध दक्षिण असे ध्रुवीकरण वाढू शकते. परिसीमन आयोगाने केवळ लोकसंख्या नव्हे तर मानव विकास निर्देशांक, लोकसंख्या नियंत्रणातील योगदान आणि सामाजिक प्रगती यांचा विचार करून जागांचे वाटप करणे आवश्यक आहे. अन्यथा हिंदी आंदोलनासारखे आणखी एक आंदोलन उभे राहण्याची शक्यता आहे. न्याय्य प्रतिनिधित्व आणि संतुलित संघराज्य हीच खरी लोकशाहीची ताकद आहे.

www.abhijeetrane.in

www.mumbaimitra.com

🔽

🖋️ अभिजीत राणे लिहितात

बिहार चे नवनिर्वाचित मुख्यमंत्री सम्राट चौधरी यांची ही झेप स्वप्नवत आहे. "मी तुम्हाला मुख्यमंत्री होऊन दाखवीन" या वचनाने सुरू झालेला प्रवास आज भावनिक शिखरावर पोहोचला आहे. शकुनी चौधरींच्या डोळ्यात आलेले अश्रू हे केवळ पित्याच्या आनंदाचे प्रतीक नाहीत, तर अपूर्ण स्वप्नांच्या पूर्ततेची कहाणी आहेत. संघर्ष, खोटे खटले, तुरुंगवास आणि राजकीय कटकारस्थानांचा सामना करूनही चौधरी कुटुंबाने हार मानली नाही. आई पार्वती देवीचा त्याग, वडिलांचा मार्गदर्शन आणि सम्राट चौधरींची शिस्त व नेतृत्वगुण यांनी हा प्रवास शक्य केला. आज सम्राट मुख्यमंत्रीपदावर पोहोचले आहेत, पण त्यांची मुळे अजूनही जमिनीशी जोडलेली आहेत. हा क्षण केवळ एका कुटुंबाचा विजय नाही, तर लोकशाहीतील संघर्ष, त्याग आणि श्रद्धेच्या शक्तीचा पुरावा आहे. खरी राजकारणाची ताकद पदात नाही, तर मूल्यांमध्ये आहे.

www.abhijeetrane.in

www.mumbaimitra.com

🔽

🖋️ अभिजीत राणे लिहितात

मुंब्र्यातील एमआयएमची नगरसेविका सहर शेख पुन्हा चर्चेत आली आहे. सहर शेखचे नगरसेवक पद अडचणीत आले आहे. सहर शेखने शासकीय यंत्रणांची दिशाभूल केल्याची माहिती समोर आली आहे. तिचे जात प्रमाणपत्र अवैध असल्याचा अहवाल ठाणे तहसीलदार उमेश पाटील यांनी दिला. त्यामुळे तिचे नगरसेवकपद जाणार असल्याचे बोलले जात आहे. निवडणूक जिंकल्यानंतर "कैसे हराया" असे म्हणणाऱ्या सहर शेखला आता "कैसे बोगस दाखला बनाया"? असे म्हटले जात आहे. उत्तर प्रदेशातील गाझियाबादचे मूळ रहिवासी युनूस इकबाल शेख महाराष्ट्रात स्थलांतरित झाले. इतर मागास प्रवर्गासाठीचा नमुना-८ वापरून आणि अधिकाऱ्यांची दिशाभूल करून त्यांनी महाराष्ट्रातील बनावट जातीचा दाखला मिळविला. त्यांची मुलगी सहर शेखने मुंबई शहर जिल्हाधिकारी कार्यालयातून जात प्रमाणपत्र घेतले. ठाणे महापालिका निवडणुकीत एमआयएम पक्षातून मुंब्र्यातील प्रभाग ३० मधून सहर विजयी झाली. तेव्हा 'कैसे हराया?' या विधानाने ती चर्चेत आली होती. मात्र, सहर शेखने निवडणूक लढविताना चार महत्त्वाच्या शासकीय यंत्रणांची दिशाभूल केली असून आता तिच्या नगरसेवक पद जाण्याची शक्यता निर्माण झाली आहे. या बाबतीत आता जात पडताळणी समिती निर्णय घेणार आहे.

www.abhijeetrane.in

www.mumbaimitra.com

🔽

#NariShakti #WomenReservation #IndianDemocracy #WomenEmpowerment #PoliticalReform #JusticeSystem #Federalism #IndiaPolitics #Leadership #SocialJustice #BreakingBarriers #NewIndia