🖋️ अभिजीत राणे लिहितात
- dhadakkamgarunion0
- 16 minutes ago
- 3 min read
🖋️ अभिजीत राणे लिहितात
भारताच्या राष्ट्रीय सुरक्षेच्या दृष्टीने एक चिंताजनक बातमी समोर येत आहे. भारताने केलेल्या क्षेपणास्त्र चाचणीपूर्वी दिलेल्या NOTAM इशाऱ्याच्या पार्श्वभूमीवर, चौथे चीनी हेरगिरी जहाज हिंदी महासागरात दाखल झाले आहे. या चीनी जहाजाच्या हालचालींवर भारतीय नौदल आणि सुरक्षा यंत्रणा बारकाईने लक्ष ठेवून आहेत. भारताच्या संरक्षण क्षमतेची माहिती गोळा करण्याच्या चीनच्या प्रयत्नांचा हा एक भाग मानला जात आहे. अलीकडच्या काळात, चीनची ही जहाजे वारंवार हिंदी महासागरात गस्त घालत आहेत. संशोधनाच्या नावाखाली ते हेरगिरी करत आहेत. भारताच्या महत्त्वाकांक्षी क्षेपणास्त्र चाचणीपूर्वी हे चीनी जहाज या क्षेत्रात दाखल झाले आहे.
🔽
🖋️ अभिजीत राणे लिहितात
भारताच्या प्रगतीवर काँग्रेसचा खोटारडेपणा
भारताने दुसऱ्या तिमाहीत तब्बल ८.२% जीडीपी वाढ नोंदवली आहे. ही कामगिरी १.४ अब्ज भारतीयांच्या परिश्रमांची आणि सरकारच्या स्थिर धोरणांची साक्ष आहे. जग IMFच्या अहवालात भारताची वाढ मजबूत असल्याचे मान्य करत असताना काँग्रेस मात्र नेहमीप्रमाणे खोटा प्रचार करत आहे. IMFच्या सहा पॅरामीटर्सपैकी भारताला पाच ठिकाणी ‘B’ आणि फक्त एका ठिकाणी ‘C’ मिळाले, तेही तांत्रिक कारणांमुळे. चीनलाही ‘C’ मिळाले आहे, मग भारताला दोष देणे हास्यास्पद आहे. काँग्रेसने अहवालातील सकारात्मक भाग लपवून नकारात्मक ओळ पुढे करून देशाची प्रतिमा खराब करण्याचा प्रयत्न केला. २०१४ पासून जनाधार गमावलेल्या काँग्रेसची मानसिकता अशीच आहे—भारत यशस्वी झाला की त्यांना जळजळ होते. पण सत्य हे आहे की भारत उदयास येत आहे आणि खोटारडेपणाने १.४ अब्ज भारतीयांच्या कामगिरीला कुणीही बदनाम करू शकत नाही.
🔽
🖋️ अभिजीत राणे लिहितात
श्रद्धा, परंपरा आणि द्वारकाधीशाचा चमत्कार
द्वारकाधीश मंदिरात घडलेली ही घटना भारतीय परंपरेतील श्रद्धेचे अद्भुत दर्शन घडवणारी आहे. कच्छहून 490 किमी पायी प्रवास करून महादेव देसाई आपल्या 25 गायींसह द्वारकाधीशाच्या दर्शनासाठी पोहोचले. काही महिन्यांपूर्वी लम्पी आजाराने गायी संकटात सापडल्या होत्या. त्या वेळी केलेल्या नवसाला प्रभूने प्रतिसाद दिला आणि गायी बऱ्या झाल्या. या कृतज्ञतेतून देसाई यांनी गायींसह मंदिरात प्रवेश केला. मंदिर प्रशासनाने भाविकांच्या गर्दीमुळे मध्यरात्री दरवाजे उघडून गायींना दर्शनाची संधी दिली. प्रसाद व चाऱ्याची व्यवस्था करून गायींना प्रदक्षिणाही घालण्यात आली. ही घटना दाखवते की श्रद्धा आणि परंपरा आजही समाजाला एकत्र आणतात. गायींना मंदिरात प्रवेश देणे म्हणजे केवळ धार्मिक कृती नाही, तर भारतीय संस्कृतीतील करुणा, कृतज्ञता आणि निसर्गाशी असलेले नाते अधोरेखित करणारा सुंदर संदेश आहे
🔽
🖋️ अभिजीत राणे लिहितात
भारताची दूरदृष्टी आणि शेजाऱ्यांची नाजूक अवस्था
अयोध्येतील राममंदिरावर पंतप्रधानांनी झेंडा फडकवला यावर आक्षेप घेणारे काही नेते भारताच्या आध्यात्मिक चेतनेला कमी लेखतात. पण वास्तव हे आहे की धर्माच्या नावाने पाकिस्तान, बांगलादेश निर्माण झाले आणि आज तेच देश अस्थिरतेत जगत आहेत. इमरान खान तुरुंगात बेपत्ता, शेख हसीना भारतात आसरा शोधत आहेत—हे त्यांच्या राजकीय संस्कृतीचे परिणाम आहेत. शेजारी देशांत सत्ता म्हणजे फाशी, तख्तापलट किंवा हत्या; तर भारतात लोकशाही, संविधान आणि सांस्कृतिक मूल्ये टिकून आहेत. राम, भरत, लक्ष्मण यांसारख्या आदर्शांचा वारसा आपल्याला नैतिकता देतो. हवा, पाणी, जमीन सारखी असली तरी विचारसरणी वेगळी असल्याने इतका फरक पडतो. भारताने या नाजूक परिस्थितीचा लाभ घेतला पाहिजे, पण निर्ममपणे नव्हे—तर दूरदृष्टीने, आर्थिक व राजनैतिक बळ वाढवून. शेजाऱ्यांच्या अस्थिरतेतून भारताने स्थैर्याचा धडा जगाला दाखवावा.
🔽
🖋️ अभिजीत राणे लिहितात
दावे मोठे, निकाल शून्य
बॉलिवूडमध्ये एकेकाळी खालिद मोहम्मद नावाचा समीक्षक होता. कठोर, निर्मोही, आणि पैशाला न जुमानणारा. पण स्वतःची फिल्म बनवायची हौस त्याला महागात पडली. फिझा नावाची भव्य पार्टी करून रिलीज केलेली फिल्म तिसऱ्या दिवशीच कोसळली. घर, गाडी विकून रस्त्यावर आलेले खालिद साहेब मग श्याम बेनेगललाही जुबैदाच्या बुडीत घेऊन गेले. "शोलेपेक्षा मोठा हिट" म्हणणारे समीक्षक शेवटी गुमनामीत हरवले. राजकारणातही अशीच कथा. प्रशांत किशोर—चौदा निवडणुका जिंकवून दिल्याचा दावा करणारा "चाणक्य". पण जेव्हा स्वतःच्या बिहारमध्ये उतरला, तेव्हा मिळालं काय? मंदिरात वाजवतात तेच… घंटा! मोठमोठे दावे करणे सोपे असते, पण वास्तवात टिकवणे कठीण. खालिद असो वा किशोर, दोघांनी दाखवून दिलं की हवा हवाई बोलांनी इतिहास रचत नाही—तर निकालांनीच मोजमाप होतं.
🔽
Comments