रवींद्र चव्हाण यांचे 'कार्यकर्ता-कौशल्य' ठरणार भाजपासाठी महत्त्वाचे पाऊल!

🔏 [ ⏺️ ध्येयपथ ]

▪️==================▪️

रवींद्र चव्हाण यांचे 'कार्यकर्ता-कौशल्य' ठरणार भाजपासाठी महत्त्वाचे पाऊल!

● भाजपाचे महाराष्ट्र प्रदेशाध्यक्ष रवींद्र चव्हाण यांच्या कार्यशैलीची सध्या राजकीय वर्तुळात जोरदार चर्चा सुरू आहे. आपल्या पक्षाच्या कार्यकर्त्यांवर पूर्ण विश्वास ठेवून, त्यांना योग्य मान-सन्मान देऊन सोबत घेऊन जाण्याची त्यांचे कौशल्य भाजपासाठी अतिशय लाभदायी ठरणार आहे. सामान्य कार्यकर्त्यांना थेट पक्षाच्या मुख्य प्रवाहात आणून त्यांच्या जोरावर पक्ष संघटना मजबूत करण्यावर त्यांचा अधिक भर आहे, ज्यामुळे आगामी निवडणुकांमध्ये भाजपाला मोठे बळ मिळण्याची शक्यता आहे. हेच 'कार्यकर्ता-कौशल्य' चव्हाण यांना पक्षातील एक महत्त्वाचे नेतृत्व म्हणून पुढे नेत आहे. चव्हाण यांचे राजकारण केवळ पदांवर आणि मोठ्या नेत्यांवर अवलंबून नसून, ते तळागाळातील प्रत्येक कार्यकर्त्याला महत्त्व देतात. त्यांच्या मार्गदर्शनाखाली, भारतीय जनता पक्षाने 'संसद ते पंचायत' या धोरणांतर्गत प्रत्येक स्तरावर पक्ष संघटना अधिक बळकट करण्याची मोहीम हाती घेतली. कार्यकर्त्यांना थेट संवाद साधण्याची संधी देणे, त्यांच्या अडचणी समजून घेणे आणि त्यांच्या कामाची योग्य दखल घेणे, यामुळे कार्यकर्त्यांमध्ये उत्साह आणि पक्षाप्रती निष्ठा वाढते. यामुळे पक्षाचे मूळ आधारस्तंभ अधिक मजबूत होत आहेत, जे निवडणुकीच्या दृष्टीने निर्णायक ठरतील. रवींद्र चव्हाण यांच्या नेतृत्वाखाली, सामान्य कार्यकर्त्यांना निवडणुकीत उमेदवारी देण्यापासून ते संघटनात्मक जबाबदाऱ्यांपर्यंत अनेक महत्त्वाच्या संधी मिळत आहेत.

© -अभिजीत राणे

(दै.मुंबई मित्र/वृत्त मित्र, मराठी/हिंदी)

#ravindrachavan #abhijeetrane #AR