"धडक ऑटो रिक्षा टॅक्सी युनियनचा उपक्रम : पावसाळ्यात चालकांसाठी मोफत छत्री वाटप

"धडक ऑटो रिक्षा टॅक्सी चालक मालक युनियन"च्या वतीने कामगार नेते अभिजीत राणे यांच्या मार्गदर्शनाखाली प्रभा अपार्टमेंट, रिक्षा स्टॅन्डच्या सभासदांकरिता मोफत छत्री वाटप कार्यक्रम यशस्वीरीत्या पार पडला. कार्यक्रमास प्रमुख अतिथी अतिथी म्हणून पोद्दा र महाविद्यालयाचे माजी डीन शुक्ला सर, माजी नगरसेविका श्रीकला पिल्ले, प्रसिद्ध माहिती अधिकार कार्यकर्ते अनिल गलगली व धडक कामगार युनियनचे राष्ट्रीय उपाध्यक्ष ऍड. नारायण पणीकर, ज्येष्ठ पत्रकार कमलेश वैष्णव यांची उपस्थिती होती.

"आपल्या रिक्षा चालक बांधवांचा सन्मान राखत त्यांना पावसाळ्यात मदतीचा हात देणे ही आमची जबाबदारी समजतो. एकत्र येऊन समाजासाठी सकारात्मक पावले उचलली पाहिजेत." अशी प्रतिक्रिया अभिजीत राणे यांनी यावेळी बोलताना दिली व सर्व मान्यवरांचा शाल घालून सत्कार केला व त्यांच्या हस्ते सर्व उपस्थिती रिक्षा चालकांना छत्री वाटप करण्यात आले.

माजी डीन शुक्ला यांनी बोलताना, "धडक कामगार युनियन ही केवळ संघटना नाही, तर कामगारांच्या हक्कांसाठी लढणारी ताकद आहे. गरजूंपर्यंत पोहोचणारा प्रत्येक उपक्रम हा सामाजिक भानाची जाणीव करून देतो."असे यावेळी ते म्हणाले.

"धडक कामगार युनियन नेहमीच कामगार, चालक आणि सामान्य जनतेसाठी झटते. संकटाच्या काळात धडक युनियनसारख्या संघटनाच खरे आधारस्तंभ ठरतात. अशी प्रतिक्रिया माजी नगरसेविका श्रीकला पिल्ले यांनी बोलताना दिली.

#AbhijeetRane #धडककामगारयुनियन #धडकऑटोरिक्षा #समाजकार्य #मोफतछत्रीवाटप #RikshawWelfare #धडकपरिवार