दोषी अधिकाऱ्यांवर होणार कारवाई; मुख्यमंत्री फडणवीसांची कठोर भूमिका

🔏 [ ⏺️ पंचनामा ]

▪️==================▪️

दोषी अधिकाऱ्यांवर होणार कारवाई; मुख्यमंत्री फडणवीसांची कठोर भूमिका

● शासकीय दुखवटा पाळला जात असताना संवेदनशीलतेचा अभाव दाखवत तब्बल ७५ शिक्षण संस्थांना तातडीने अल्पसंख्याक दर्जा देण्याचा घाट घालण्यात आला. या गंभीर प्रकरणाची माहिती मिळताच मुख्यमंत्री देवेंद्र फडणवीस यांनी तातडीने पावले उचलत या सर्व ७५ निर्णयांना स्थगिती दिली आहे. हा सर्व प्रकार उघडकीस आल्यानंतर मुख्यमंत्री देवेंद्र फडणवीस यांनी प्रचंड संताप व्यक्त केला आहे. त्यांनी केवळ या निर्णयांना स्थगितीच दिली नाही, तर या संपूर्ण प्रकरणाची उच्चस्तरीय चौकशी करण्याचे आदेशही दिले आहेत. ‘जेव्हा संपूर्ण राज्य एका मोठ्या नेत्याच्या जाण्याने दुःखी आहे, तेव्हा अशा प्रकारे नियमांना बगल देऊन निर्णय घेणे हे अत्यंत निंदनीय आहे,’ अशा शब्दांत मुख्यमंत्र्यांनी आपली नाराजी व्यक्त केली आहे. या प्रकरणात सामील असलेल्या प्रत्येक लहान-मोठ्या अधिकाऱ्याची चौकशी केली जाणार आहे. मुख्यमंत्र्यांनी स्पष्ट संकेत दिले आहेत की, ज्या अधिकाऱ्यांनी संवेदनशीलतेचा अभाव दाखवून पदाचा गैरवापर केला आहे, त्यांच्यावर कठोर प्रशासकीय कारवाई केली जाईल. या प्रकरणाच्या चौकशीसाठी एक विशेष समिती नेमण्यात आली असून, त्यांना लवकरात लवकर अहवाल सादर करण्यास सांगण्यात आले आहे.

© -अभिजीत राणे

(दै.मुंबई मित्र/वृत्त मित्र, मराठी/हिंदी)

#devendrafadanvis #abhijeetrane #AR