🖋️ अभिजीत राणे लिहितात
- dhadakkamgarunion0
- Sep 5
- 3 min read
Updated: Sep 7
🖋️ अभिजीत राणे लिहितात
चीनला धक्का, भारताला यश! ऑस्ट्रेलियामध्ये तब्बल १० लाख घरे बांधण्याचा ५०० अब्ज डॉलर्सचा प्रचंड कंत्राट चीनकडून काढून भारताला देण्याची प्रक्रिया सुरू झाली आहे. ही केवळ घरबांधणीची बाब नाही, तर जागतिक पातळीवर भारताच्या विश्वासार्हतेची मोठी नोंद आहे. केंद्रीय मंत्री पीयूष गोयल यांच्या अथक प्रयत्नांमुळे हा करार साकार होत आहे. यामुळे भारतीय बांधकाम क्षेत्राला आंतरराष्ट्रीय बाजारपेठेत मोठा दरवाजा उघडणार आहे. भारताचे कौशल्य, प्रामाणिकपणा आणि कामगिरीची खात्री यामुळे आज जग भारतीय हातांकडे पाहत आहे. चीनच्या जागी भारताची निवड होणे ही भारताच्या वाढत्या सामर्थ्याची आणि मोदी सरकारच्या प्रभावी परराष्ट्र धोरणाची मोठी यशोगाथा आहे.
🔽
🖋️ अभिजीत राणे लिहितात
भविष्याच्या संधींसाठी नवी भाषा! आजची दहावीची पिढी उद्याच्या जागतिक स्पर्धेत उतरणार आहे. इंग्रजी, हिंदी आणि मातृभाषा हे तर आपल्याला ठाऊकच आहेत; पण पुढील दशकात जपानी व चिनी मँडरिन या भाषा जाणणाऱ्यांना अपार संधी मिळणार आहेत. कारण आता दक्षिण आशियाचे शतक सुरू झाले आहे आणि या प्रदेशातील अर्थकारण, व्यापार आणि तंत्रज्ञान यात झपाट्याने वाढ होत आहे. आपल्या मुलांनी सुट्टीत किंवा ऑनलाइन तरी या भाषा शिकून घेतल्या तर त्यांचा आत्मविश्वास दुणावेल. पुण्यातील सिम्बायोसिससारख्या संस्थांमध्ये अशा कोर्सेस सहज उपलब्ध आहेत. नोकरी, संशोधन, उद्योग किंवा आंतरराष्ट्रीय व्यवसाय—सर्व क्षेत्रांत भाषा हेच दार उघडणारे साधन आहे. म्हणूनच आता पालकांनी आपल्या पाल्यांना या नव्या दिशेने प्रवासाला पाठवणे आवश्यक आहे.
🔽
🖋️ अभिजीत राणे लिहितात
मलाक्का सामुद्रधुनीत भारताचा दबदबा! जगातील सर्वात महत्त्वाची मानली जाणारी मलाक्का सामुद्रधुनी ही ऊर्जा व व्यापार वाहतुकीची मुख्य धुरीण आहे. येथे भारतीय नौसेना संयुक्त गस्त घालावी यासाठी सिंगापूर, मलेशिया आणि इंडोनेशिया या तिन्ही देशांची तयारी सुरू झाली आहे. परराष्ट्रमंत्री डॉ. एस. जयशंकर यांनी सिंगापूरचे पंतप्रधान लॉरेन्स वांग यांच्याशी केलेली यशस्वी भेट ही याच प्रयत्नांचा भाग आहे. चीनच्या वाढत्या हालचालींना अटकाव करणे आणि या महत्त्वाच्या मार्गाची सुरक्षितता सुनिश्चित करणे हे भारताचे प्राधान्य आहे. मित्रदेशांबरोबरच्या सहकार्याने भारताचा सागरी प्रभाव आणखी बळकट होईल. यामुळे केवळ हिंद महासागरच नव्हे तर संपूर्ण आशिया-पॅसिफिकमध्ये भारताचे सामरिक वजन वाढणार आहे.
🔽
🖋️ अभिजीत राणे लिहितात
युद्ध थांबवण्यासाठी भारताचे कूटनीतिक प्रयास ! रशिया–युक्रेन युद्ध थांबवण्यासाठी आता युरोपियन युनियनमधील तब्बल ३० देशांचे नेते पंतप्रधान नरेंद्र मोदी यांच्या नेतृत्वाकडे पाहत आहेत. नुकत्याच झालेल्या व्हर्च्युअल बैठकीत या विषयावर सविस्तर चर्चा झाली. झेलेन्स्की यांच्याशी पूर्वीच संवाद साधल्यानंतर युरोपीय नेत्यांनी भारतासोबत थेट संवाद प्रस्थापित केला, हे भारताच्या वाढत्या जागतिक प्रभावाचे द्योतक आहे. पश्चिम आणि रशिया यांच्यातील तणाव कमी करण्यासाठी नवा मार्ग भारतच दाखवू शकतो, अशी आशा युरोप व्यक्त करत आहे. कारण भारत दोन्ही बाजूंशी संवाद साधू शकणारा आणि विश्वासार्ह भागीदार आहे. जगाला शांततेचा मार्ग हवा आहे आणि त्यासाठी आज मोदीजींचे नेतृत्व निर्णायक ठरू शकते.
🔽
🖋️ अभिजीत राणे लिहितात
सेमीकंडक्टरचा खेळ आणि पडद्यामागची समीकरणं! तैवानमधील महत्त्वाच्या सेमीकंडक्टर कंपन्यांचा भारताकडे होत असलेला कल ही केवळ औद्योगिक बातमी नाही, तर भू-राजकारणातील मोठी हलचल आहे. वेगाने वाढणाऱ्या या हालचालींनी भारत–चीनमध्ये कुठला गुप्त समझोता झाला की काय, अशी चर्चा सुरू आहे. तैवान चीनच्या छायेखाली जाताना, पीओजेकेवर भारताचा हक्क अधिक ठळकपणे मांडला जात आहे. त्यातच चीनने CPEC रेल्वे प्रकल्पातून माघार घेतली आहे, याचा अर्थ पडद्यामागे प्रचंड हालचाली सुरू आहेत. बलुचिस्तानमध्ये BLAच्या कारवायांनी पाकिस्तान हादरला आहे; कालच २६ सैनिक ठार झाले. अमेरिकेला या भागात पाय रोवायचे आहेत, पण भारत, रशिया, चीन आणि इराण या चौघांनाही ते मान्य नाही. या अशांततेत भारताकडे नवीन औद्योगिक आणि सामरिक संधींची दारे उघडत आहेत.
🔽
🖋️ अभिजीत राणे लिहितात
महाराष्ट्र सरकारने कामगारांचे कामाचे तास नऊ वरून बारा केले आहेत. यामुळे कामगार अस्वस्थ असंतुष्ट आहेत. तास वाढविण्यासाठी केंद्रीय सरकारने राज्य सरकारांना आदेश दिला आहे हे लक्षात घेऊन देखील या वाढीव तासांसाठी अधिक पैसे ओव्हर टाईम म्हणून देण्याची सक्ती केली तर कामगारांची नाराजी दूर होईल. या दृष्टीने महाराष्ट्र सरकारने जी आर काढावा असे मला वाटते.
🔽
#IndiaRising #GlobalTrust #MakeInIndia #FutureSkills #LanguagePower #MaritimeStrength #PeaceDiplomacy #SemiconductorShift #Geopolitics #WorkersRights #AbhijeetRane #MumbaiMitra
Comments