हे अजून काँग्रेस नेत्यांच्या लक्षात येत नाही काय?

dhadakkamgarunion0
Dec 29, 2020
3 min read

*@ABHIJEETRANE(AR)*

ईडीची नोटीस आली म्हणून कुणी घाबरत नाहीत तर चौकशी दरम्यान आवश्यक खुलासे करतात आणि 90% लोकांवर अटक वगैरे कठोर कारवाई होत नाही पण ईडीची नोटीस आर्थिक गुन्हेगारीचा जो बदनामीकारक डाग चौकशीनंतर त्या व्यक्तीवर कायमचाच बसतो आणि विरोधक एकूणच सर्व व्यवहार संशयास्पद ठरवतात व जनमानसात प्रतिकूलता आणि अविश्वास निर्माण होतो तो घातक असतो. एकाद्या स्त्रीने कुणा नेत्यावर किंवा कुठल्या पुरूषावर विनयभंग किंवा बलात्काराचा नुसता आरोप जरी केला तरी कोर्टात शहानिशा होऊन गुन्हा सिद्ध किंवा असिद्ध होण्यास अनेक वर्ष जातात पण पण पण नुसता आरोप केला तर जरी त्यावेळेस प्रथमदर्शनी देखील सिद्ध नाही झाला तरी त्या नेत्यांवर राजीनामे देण्याची वेळ येते, व्यक्तीचे सार्वजनिक जीवन उद्ध्वस्त होते याची हजारो उदाहरणे आहेत. काहीसे असेच ईडी नोटीस नंतर घडते. आरोप सिद्ध होईल किंवा नाही, अटक सहसा संभवत नाही पण आर्थिक गैरव्यवहार व भ्रष्टाचार याचा कलंक बट्टा डाग कायमचाच लागतो आणि 'कुछ डाग अच्छे नही होते ' त्यातला एक ईडी चौकशी हा आहे. ईडी आडवळणांनी 'मातोश्री'कडे निघाली आहे तर सीबीआय भुयारी गटारातून 'युवराजां'पर्यत पोचता येते का याचा शोध घेत आहे. वर्षा संजय राऊत ही सुरुवात आहे शेवटचा टप्प्या 'मातोश्री' असणार याचा हा सूचक इशारा आहे.

www.abhijeetrane.in

◆

*@ABHIJEETRANE(AR)*

अशोक चव्हाण म्हणाले की:

शिवसेना युपीए चा घटक पक्ष नाही, फक्त महाराष्ट्रात मित्र पक्ष आहे, तेव्हा संजय राऊत यांनी राहुल गांधी यांच्यावर टीका करीत, शरद पवार यांना युपीए चे प्रमुख पद द्यावे, अशी सूचना करणे, अनावश्यक आहे"

शिवसनेला राहुल गांधी यांचे राष्ट्रीय पातळीवरील नेतृत्व मान्य नाही नाही नाही

आणि मोदी - शहांना शह द्यायचा असेल तर शरद पवार यांच्यावर युपीए फक्त नव्हे तर..

संपूर्ण देशातील विरोधी पक्षांची संयुक्त आघाडी निर्माण करण्याची जबाबदारी सोपविण्यात यावी..

असे शिवसेनेचे म्हणजेच..

शिवसेनेचा "मेंदू" असलेल्या संजय राऊत यांचे..

आणि शिवसेनेचे "-हुदय" असलेल्या उद्धव ठाकरे यांचे मत आहे..

आणि राऊत यांच्या मुखातून बाहेर पडणा-या उद्गारांचे उद्गाते शरद पवार साहेब आहेत..

हे जर अशोक चव्हाण यांच्यासह गांधी परिवाराच्या वेळीच लक्षात येईल तर..

आता महाआघाडी सरकार मधून बाहेर पडून काँग्रेसचे अस्तित्व अस्मिता स्वाभिमान आणि वेगळेपण टिकवण्याची वेळ आली आहे..

हे त्यांच्या लक्षात येईल.

शिवसेना व राष्ट्रवादी मिळून महाराष्ट्रात काँग्रेसला जीवदान द्यायला निघाले नसून काँग्रेसचा जीव घ्यायला निघाले आहेत..