विकासाला गती; मुख्यमंत्री फडणवीसांचे आदेश

🔏 [ ⏺️ पंचनामा ]

▪️==================▪️

विकासाला गती; मुख्यमंत्री फडणवीसांचे आदेश

● मुख्यमंत्री देवेंद्र फडणवीस यांनी राज्यातील विकास प्रकल्पांना गती देण्यासाठी आणि ते विहित मुदतीत पूर्ण करण्यासाठी प्रशासनाला कठोर निर्देश दिले आहेत. कोणताही प्रकल्प अनावश्यकपणे लांबणीवर पडू नये किंवा त्यात अडथळे येऊ नयेत, यासाठी त्यांनी स्पष्ट आदेश दिले आहेत. तसेच, मुंबईतील अत्यंत महत्त्वाकांक्षी असलेल्या बीडीडी चाळ पुनर्विकास प्रकल्पाला ‘अत्यावश्यक प्रकल्प’ म्हणून घोषित करण्याचा मोठा निर्णय त्यांनी घेतला आहे. यामुळे या प्रकल्पाच्या कामांना आता आणखी वेग मिळणार आहे. राज्यात सुरू असलेल्या सर्व महत्त्वाच्या विकास प्रकल्पांचा मुख्यमंत्री देवेंद्र फडणवीस यांनी आढावा घेतला. त्यांनी प्रकल्पांच्या स्थितीची माहिती घेतली आणि त्यांच्या मार्गात येणाऱ्या प्रशासकीय तसेच इतर अडचणींचा सखोल अभ्यास केला. प्रकल्पांमुळे राज्याच्या तिजोरीवर अधिक आर्थिक भार पडू नये आणि जनतेला सेवा वेळेत मिळावी यासाठी हे प्रकल्प नियोजित वेळेत पूर्ण होणे आवश्यक आहे. यापूर्वी अनेक पायाभूत सुविधा प्रकल्प अनेक वर्षे रखडल्यामुळे त्यांचा खर्च वाढला होता, याकडे त्यांनी लक्ष वेधले.

© -अभिजीत राणे

(दै.मुंबई मित्र/वृत्त मित्र, मराठी/हिंदी)

#devendrafadanvis #abhijeetrane #AR