रवींद्र चव्हाणांची कुशल राजकीय मुसद्देगिरी

🔏 [ ⏺️ ध्येयपथ ]

▪️==================▪️

रवींद्र चव्हाणांची कुशल राजकीय मुसद्देगिरी

● भाजपाचे प्रदेशाध्यक्ष आमदार रवींद्र चव्हाण यांची पक्ष संघटनेवरची मजबूत पकड आणि विरोधकांना निष्प्रभ करणारी त्यांची रणनीती यामुळे त्यांची राजकीय मुसद्देगिरी पुन्हा एकदा सिद्ध झाली आहे. महायुतीमधील अंतर्गत वादावर त्यांनी केलेले स्पष्ट भाष्य, तसेच महाराष्ट्र नवनिर्माण सेनेच्या पदाधिकाऱ्यांना पक्षात आणून दिलेला धक्का, ही त्यांच्या धडाकेबाज कार्यशैलीची उदाहरणे आहेत. त्यांचे हे 'कुशल राजकारण' भाजपसाठी गेम चेंजर ठरू शकते. रवींद्र चव्हाण यांनी आपल्या कार्यकाळात संघटनात्मक बांधणी आणि जनसंपर्कावर विशेष लक्ष केंद्रित केले आहे. डोंबिवली विधानसभा मतदारसंघात त्यांनी सलग चार वेळा विजय मिळवला आहे. सार्वजनिक बांधकाम आणि ग्राहक संरक्षण यांसारख्या खात्यांचे कॅबिनेट मंत्री म्हणून काम करताना त्यांनी प्रशासकीय अनुभव सिद्ध केला. विशेषतः, पालघर आणि सिंधुदुर्ग जिल्ह्यांचे पालकमंत्री असताना त्यांनी कोकणातील विकासकामांना गती दिली, तसेच बेघर कुटुंबीयांच्या पुनर्वसनासाठी स्वतःची जमीन देऊन संवेदनशीलतेचा परिचय दिला. त्यांची 'सडेतोड' भूमिका विरोधकांमध्ये आणि युतीमधील नेत्यांमध्ये चर्चेचा विषय बनली आहे.

© -अभिजीत राणे

(दै.मुंबई मित्र/वृत्त मित्र, मराठी/हिंदी)

#ravindrachavan #abhijeetrane #AR