मुख्यमंत्री फडणवीस यांचा महाराष्ट्राच्या विकासाचा संकल्प

🔏 [ ⏺️ पंचनामा ]

▪️==================▪️

मुख्यमंत्री फडणवीस यांचा महाराष्ट्राच्या विकासाचा संकल्प

● महाराष्ट्राला जागतिक पुरवठा साखळीचे महत्त्वाचे केंद्र बनविण्याचा दृढ संकल्प मुख्यमंत्री देवेंद्र फडणवीस यांनी व्यक्त केला आहे. त्यांच्या दूरदृष्टीनुसार, मुंबई-पुणे बुलेट ट्रेनमुळे दोन्ही शहरांतील प्रवास अवघ्या ४८ मिनिटांत होणार असून, ही शहरे एक एकात्मिक आर्थिक क्षेत्र म्हणून विकसित होतील. पायाभूत सुविधांचा विस्तार करताना, जेएनपीटी आणि वाढवण बंदरांना समृद्धी महामार्गालगत स्वतंत्र मालवाहतूक रेल्वे कॉरिडॉरद्वारे जोडण्याची महत्त्वपूर्ण योजना त्यांनी मांडली आहे. देशाच्या आर्थिक प्रगतीत महाराष्ट्राचे योगदान अधोरेखित करताना फडणवीस यांनी सांगितले की, देशाच्या सकल राष्ट्रीय उत्पन्नात (जीडीपी) राज्याचा १४ टक्के, तर एकूण निर्यातीत तब्बल २० टक्के वाटा आहे. जबिलच्या अत्याधुनिक प्रकल्पाचे कौतुक करत ते म्हणाले की, येथील प्रगत तंत्रज्ञान भारताच्या उत्पादन क्षेत्राच्या वाढत्या सामर्थ्याचे प्रतीक आहे. मोबाईल उत्पादनात आत्मनिर्भर झाल्यानंतर, आता सेमीकंडक्टर आणि चिप निर्मिती क्षेत्रातही भारताने भक्कम पाऊल टाकले आहे, असा विश्वास त्यांनी व्यक्त केला. फडणवीस यांच्या नेतृत्वाखालील हे प्रयत्न महाराष्ट्राला औद्योगिक प्रगतीमध्ये आघाडीवर नेणारे ठरणार आहेत.

© -अभिजीत राणे

(दै.मुंबई मित्र/वृत्त मित्र, मराठी/हिंदी)