मुख्यमंत्री फडणवीसांचा काँग्रेसवर हल्लाबोल

🔏 [ ⏺️ पंचनामा ]

▪️==================▪️

मुख्यमंत्री फडणवीसांचा काँग्रेसवर हल्लाबोल

● काँग्रेसचे अध्यक्ष मल्लिकार्जुन खर्गे यांनी पंतप्रधान नरेंद्र मोदी यांच्यावर केलेल्या वादग्रस्त विधानाचा महाराष्ट्राचे मुख्यमंत्री देवेंद्र फडणवीस यांनी कडक शब्दांत समाचार घेतला आहे. फडणवीस यांनी काँग्रेसला भूतकाळातील घटनांची आठवण करून देत म्हटले की, काँग्रेसने यापूर्वीही पंतप्रधान मोदींना 'मौत का सौदागर' संबोधून त्यांचा अपमान केला होता. मात्र, जेव्हा जेव्हा काँग्रेसने पंतप्रधानांवर अशा प्रकारचे वैयक्तिक हल्ले केले आहेत, तेव्हा तेव्हा देशातील जनतेने मतपेटीच्या माध्यमातून काँग्रेसला चोख प्रत्युत्तर दिले आहे. फडणवीस यांच्या मते, हे विधान केवळ एका व्यक्तीचा अपमान नसून, ते देशाच्या सर्वोच्च पदाचा आणि १४० कोटी भारतीय जनतेचा अपमान करणारे आहे. काँग्रेसची ही संस्कृती लोकशाहीला घातक असून, जनता या अपमानाचा बदला आगामी काळात नक्कीच घेईल, असा विश्वास त्यांनी व्यक्त केला. राजकीय टीका करताना भाषेची मर्यादा ओलांडणे काँग्रेसला महागात पडेल, असेही त्यांनी यावेळी स्पष्ट केले. देशाच्या सन्मानाशी खेळणाऱ्यांना जनता कधीही माफ करणार नाही, असा टोलाही त्यांनी लगावला.

© -अभिजीत राणे

(दै.मुंबई मित्र/वृत्त मित्र, मराठी/हिंदी)

#devendrafadanvis #abhijeetrane #AR