महाविकास आघाडीवर अमित साटम यांचा बोचरा वार

🔏 [ ⏺️ साटम पॅटर्न ]

▪️==================▪️

महाविकास आघाडीवर अमित साटम यांचा बोचरा वार

● मुंबईतील भाजपचे आक्रमक नेते आणि मुंबई अध्यक्ष अमित साटम यांनी पुन्हा एकदा महाविकास आघाडीच्या नेत्यांना धारेवर धरले आहे. राजकारणात सत्तेसाठी एकत्र आलेल्या पक्षांनी जनतेला मूर्ख बनवू नये, असे सांगत त्यांनी आघाडीच्या विसंगतीवर बोट ठेवले आहे. शिवसेनेच्या बदलत्या भूमिकेचा समाचार घेताना साटम म्हणाले की, ज्या काँग्रेस आणि राष्ट्रवादीसोबत कधीही जाणार नाही असे हिंदुहृदयसम्राट बाळासाहेब ठाकरे म्हणायचे, त्याच पक्षांच्या मांडीला मांडी लावून आज उद्धव ठाकरे बसले आहेत. केवळ मुख्यमंत्री पदाच्या हव्यासापोटी त्यांनी आपल्या वडिलांच्या विचारांशी तडजोड केली, असा टोलाही त्यांनी लगावला. साटम यांनी असेही स्पष्ट केले की, मुंबईकर जनता ही सुज्ञ आहे. मेट्रो प्रकल्प असो किंवा कोस्टल रोड, विकासकामांना खीळ घालणाऱ्या या आघाडी सरकारला नागरिक कधीही माफ करणार नाहीत. तुम्ही सत्तेसाठी एकत्र आलात, पण तुमच्यातील अंतर्गत कलह आणि विरोधाभास जनतेला स्पष्टपणे दिसत आहे, असे म्हणत त्यांनी विरोधकांना निवडणुकीच्या मैदानात उघड आव्हान दिले आहे.

© -अभिजीत राणे

(दै.मुंबई मित्र/वृत्त मित्र, मराठी/हिंदी)

#ameetsatam #abhijeetrane #AR